Luke 12:30 - BII BILA

³⁰ Kani ɲɛm mun kpow, vanaa sina Hala le-a co fafaláà le mun ni. Kɛ niaa niaa, Fuɲa niaa Hala sina maa la nɔ makoo le mun sɔlaa.

Luke 12:30 Referans Kwoze

Matie 6:32

Kani vanaa sina Hala le-a co fafaláà ɲɛm mun nuwviaa ni. Kani Fuɲa niaa co o halataala-o sina maa la nɔ makoo a ɲɛm mun.

Matie 6:8

La vial nda le, kani Fuɲa niaa ndóò cii nin ɲɛ niaa nɔ makoo-o sina, lɔ́ɔ́ pá niáà ɲuna ndu.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Matie 18:14

Lende koni, Fuɲa niaa co o halataala-o yeema mì cuaambɔa pɔmbɔa ha o pilɛ bɛɛ lo le.»

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

Matie 10:20

Kani o venin niaa le soaanin te, Kɔl Fuɲa niaa-o soaanin niaa nin ni.

Matie 5:47

Te o va pɛ maa puapilɛa niaa daama niaa yìl ni, ɔ́ɔ̀ dɛnɛ bɛndu niaa tosa o kon-ndo? Vɛ̀ɛ̀ o co lende le vanaa sina Hala le-a bɛɛ a tosa le?

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Matie 6:1

«La caa dɛ, la tosà dɛnɛ kɛndɔɔ vannda o hɔl haliko ma candu niaa le, yɔŋii niaa fola vɔ̀ngɔ̀ niaa bɛnda le sɔlaa-o Fuɲa niaa co o halataala-o o ba.

Luke 12:29

La fafala le ɲɛ niaa dianin-ndo, te kon te le o niaa kolnin-ndo le. Kɔlta niaalan la sanga le.

Luke 12:31

La nuuvia Masale Hala len, o kon ɲɛm mun bɛɛ n yɔngunnin niaa.»