Luke 12:20 - BII BILA

²⁰ Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Luke 12:20 Referans Kwoze

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

SƐBƐ YƆB-O 27:8

Tiindan yɛɛ kpeekpei vana kɔlvesɛiyo nɔ yɛ lɛ, te o cuu nin pɛ kpeeŋa, mì Hala cii yoomu ndɔɔ cua?

1Timote 6:7

Kani n hin a ɲɛ-ɲɛ o ba o ceendo ho coo le, n kuenin vɛlɛ a ɲɛ-ɲɛ o ba le.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Nsaki 4:14

la sínà bɛɛ mɛɛ ceen niaa vanin siɔdii le. Maa hangulu niaa co ni, o fula pɛ le telen bingi o kon kɔɔli o kiolu.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Luke 11:40

Kpòkóó niaa diɔmnda ha! Vɛ̀ɛ̀ o co vana toosiaa lekɔɔlio-o le toosiaa vɛlɛ leninndo le?

Condii lisai 73:19

Ɛ̀ɛ̀ nduyɛ, má cè mɛɛ nda tambu o lepilɔɔ yɛ, siòòŋii bɛnduei cii nda kpow.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Talelan 28:8

Vanndo va pɛ kueelan malɔɔ le tɔnɔ bɛndoo sɔlaa, haliko mo siŋnun vana bolofaa, mɛɛ le vana tosal vanaa bala fondoa kɛndɛi-yo ndu co bolofaa cuungiaa lende ni.

Talelan 11:4

Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Condii lisai 78:30

Kɛ ndáà cii-yɔ hiluan solin te, visin mun va vɔ nda o lasondo,

Ɛstɛr 5:11

Mó cɔm nda mɛɛ bolofaa ndɔɔ va o bɔɔ yɛ, mɛɛ ndóò nɔ cuawva sɛ́lɛ́ bɛndoo yɛ a mɛɛ masaa ndóò heelu ndu o fonda bɛndoo, mó va vanaa bɛndua kpow a simlacia masaa kpow bollen yɛ.

Condii lisai 49:10

Vɛ̀ɛ̀ nda lonin yoomu le lɔ́ɔ́-lɔ́ɔ̀ ni? À tulnin o sɛiyo nin te?

Talelan 10:2

Bolofaa lakafaa sólì vana kpeku le, kɛ dɛnɛ sandaa kanda vana a piɔ́mndo.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.

Talelan 27:1

Sangalan le ɲɛ n tosanin siɔdii-o le, kani a sinà bɛɛ ɲɛ yɔŋnunnin hau-vo le.

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Amɔs 6:13

Le ɲɛm co ɲɛ-ɲɛ le-on niaa dɔawnun ɲaale ni. La co kuundianndo a dimio aa: Vɛ̀ɛ̀ o co a kpaaya naa pilaa le naa n sɔla yoomuan man te?

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.