Luke 12:17 - BII BILA

¹⁷ Mɛɛ tɔlɔɔla ndɔla lan la kom lende, mó ɲunan aa: ‹Ko vɛ̀ɛ̀ ya tosa yɛ? I nɔ lɛ fonda oo fonda ya cuungiaa ɲɛm ya kow-von kpow le.›

Luke 12:17 Referans Kwoze

Matie 5:42

Ke vana piɛi nɔm-ndo, tuŋ vana yeema le nɔm ɲɔɔ yowvo o ba-o le.»

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Dɛnnda kiilaa 16:30

O kon kɔɔli, mó soli nda, mó ɲuna nda aa: «Pua sei, yɛɛ ya tosa yɛ mì sɔla cindaa?»

Luke 19:17

Mí masaa mulul ndu aa: ‹Nuvali, vana baala kɛndɔɔ n co ni. Le tùú n lo o lediom coo a ɲɛ-pɔmbɔɔ hoo-o, i suili nɔm masa ibungaa kobilan tɔ́ coo.›

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Luke 16:9

Mì dimul niaa, la nuwviaa canyan a bolofaa ceen hui ho vana-o, haliko lɔ́ɔ́ o cuunin niaa o ba-o, caaŋaa niaa kan a luei niaa o calta fɛɛn-fɛɛnndan nin.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Luke 16:3

Mí vana mandaa bolofaa kon ɲunan o kɔl ndɔɔ nin aa: ‹Vɛ̀ɛ̀ ya tosa yɛ? Kani vana ni bɛndoo co ya ɲɛm ndɔn faŋa o ba? I nɔ yɛ mayoomu mì tosa vali yondo le, nduyɛ siɛmbulan la co ya vɛlɛ le vannda ɲɔɔn piɛiyo.

Luke 12:33

La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Luke 12:29

La fafala le ɲɛ niaa dianin-ndo, te kon te le o niaa kolnin-ndo le. Kɔlta niaalan la sanga le.

Luke 12:22

O kon kɔɔli, mí Yeesu dimul kaandeŋaa ndɔa aa: «Lelan, mì dimul niaa, la buulan le yoomu niaa, te kon te le ɲɛ niaa dianin-ndo le, la buulan vɛlɛ le dialun nian, te kon te le ɲɛ niaa cuɛinunnin-ndo le.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Luke 10:25

Mí vana pɛɛkaa latɔŋndo pum can le Yeesu kɔlɔɔ solio, mó ɲuna ndu aa: «Kɔɔfa, yɛɛ ya tosa yɛ́ mì sɔla yoomu fɛɛn-fɛɛndo?»

Luke 3:11

Mó mulul nda aa: «Te vanndo nɔ pɛ domalan latiɔn, mɛɛ o ke vana nɔ loo o pilɛ, mì vana nɔ ɲɛdiaa-o bɛɛ piɔw ndu nda vana nɔ loo.»

Vana Kɔlkaloo 11:2

Yɔngu bolofaa nɔmndo vanaa ŋɔmmɛw kpengei pilɛ, ma yɔngu vanaa ŋɔmaa kpengei pilɛi. Kani a sinà dɛnɛ palaa toalnin o lɛŋnden coo-o le.

Matie 16:7

Mí kaandennda can sɔɛi nda pila tɛɛn aa: «Le bulu naa n cue loo o co dimio nuaa ni.»

Luke 12:16

Mó dimul nda taloo pum aa: «Langbanɔɔ bolofaa pilɛ ndóò nɔ tɔlɔɔlan, la va kɔmnden ɲɛkɛndɛi.

Luke 12:18

O kon kɔɔli, mó dimi aa: ‹O ya co tosa-o co hoo ni: i puusiaa pɛ kondala paandulan ndan, i tangul la celen, la hiow vaa la bɔɔ lan. O kon, i dɔw malun nun a ɲɛm nun kpow lenin.