Luke 11:34 - BII BILA

³⁴ Hɔlta nɔmndan la co lamboo le dialun nɔmndon ni. Te la co pɛ la kɛndɛ, dialun nɔmndon kpow n pɛ a ɲɛ-tengaa, kɛ te la co la kɛndɛ le, n pɛ a ɲumndan.

Luke 11:34 Referans Kwoze

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Condii lisai 119:18

Kumbi ya hɔlla mì ce dɛnnda kɛndɛla tɔŋ nɔmndo.

Kolɔsea 3:22

Niaa cɛa, la bii sɔɔn vanaa niaa bɛndua o falon nin, o dɛnndan kpow nin, o va ko telen nda co niaa hɔlten-ndo daama le, yɔŋii o va maa le vanndacieea hɛnanndo kínɛí niaa co baalaa ni, kɛ o va a kɔlta niaalan kpow le bɛɛle niaa nɔ le Maalii len.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Marke 8:18

La nɔ hɔltan, kɛ la co macoaa cɔ a lan te? La nɔ nilan, kɛ la co macoaa tueyɔɔ a lan te? Vɛ̀ɛ̀ la co loonɔn te,

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Dɛnnda kiilaa 13:11

Sunsun, Mɛlɛka co nɔm lɔɔ, mà suma. Haa mì telen pum hiow, a cinin ɲɛ-tengaa ipalaa le.» Fɔ́ɔ́fɔ̀, mí ɲumndan ma toal Elimas o hɔl. Mó muungu iyaanayaanai vannda nuwviaa le ndu baa biyɔɔ.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Efɛsea 6:5

Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Marke 7:22

suundaa, ɲɛm pilan yeemaa, vana vɔɔnyɛi, kɔlkalu vɔɔndo, ilaasi-laasiei, paŋalaa, sɔɔn pɔmbɔn, yongaa a diɔmndon.

Esai 42:19

Nɛ̀ɛ́-nɛ̀ co yɛ o sumɛiyo, te o co vana ni baalaa le? Nɛ̀ɛ́-nɛ̀ co yɛ vana nila baŋulɛiyo maa kiilanɔ ni ya co viomɔɔ-o? Nɛ̀ɛ́ co yɛ vana sumɛiyo maa vana ni hiviaa n'sɔɔ? Nɛ̀ɛ́ co yɛ o sumɛiyo maa vana baalaa Mɛlɛka-o?

Talelan 28:22

Vana yeemɛi bɛndoo yeema mò keleŋa bolofaa sɔla, o sínà bɛɛ maa kuɛi co hunɔɔ ndu tolɔɔ coo le.

O Kandɔɔ 19:11

O kon, má suumiaa vanaa va isisi o dio-a kpede. Kandɔɔ a felengia, kɔ bii a kaasoŋaa yuuvɛiya, mí vana-vana suma. A nɔla lɛ dio cɛiyo saalɔnndo le.

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.

Esai 5:20

Dɛnɛ palaa co le vanaa co dɛnɛ vɔɔndo veeloo aa dɛnɛ kɛndɔɔ-a, má va dɛnɛ kɛndɔɔ veeloo aa dɛnɛ vɔɔndo, má mangala ɲumndan ɲɛ-tengaa, má mangala ɲɛ-tengaa ɲumndan, má mangala mɔnɛi ɲɛ yeelaa, má mangala ɲɛ yeelaa mɔnɛi!

Luke 11:35

Lelan caa taw, yɔŋii ɲɛ-tengaa co nɔm nin-ndo siŋnun ɲumndan.