Luke 11:29 - BII BILA

²⁹ Telen vannda a va cuungianndo Yeesu ikɛi-yo, mó cua sɔɛi, mó dimi aa: «Vannda paalen nden hau, vanaa vɔɔnda nda co ni. A co dɛnnda kaamaalan ɲunaa, kɛ dɛnɛ kaamaa celen cɔmnunnin nda o dɛnɛ Yonas-o kɔɔli le.

Luke 11:29 Referans Kwoze

Luke 11:16

Vanaa celen ndáà yeema le Yeesu kɔlɔɔ solio, o kon má dimul ndu le dɛnɛ kaamaa pum tosaa, o fula o halataala-o.

1Korɛntea 1:22

Yuifia co dɛnnda kɔndɔfiltan nuwviaa, mì Krɛkia nda va kɔlkaloo nuwviaa.

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Nsaŋ 6:30

Má ɲuna ndu aa: «Ɔ́ɔ̀ dɛnɛ kaamaa n co tosa haliko mi n ce mi n laalan nɔm-ndo? Ɔ́ɔ̀ dɛnɛ n co tosa-o!

Nsaŋ 2:18

O kon mí Yuifia cua sɔɛi, má dimul ndu aa: «Ɔ́ɔ̀ tɔɔmasale cɔm naa maa a nɔ dí le tosaa nuaa-o?»

Luke 11:50

Kon tosannin haliko mi dɛnɛ piɔ́m vanaa-tɛɛngaa-diom Hala-a nda diw kabi o ceendo ho kandɔɔ-a kpow del vanndacieea vaalio ho o lebol.

Luke 9:41

Mí Yeesu dimi aa: «Éé niaa vanaa yɔŋ vɔɔŋaa nɔ haa laalan te-a! Háá telen kuɛɛ ya lo yɛnin niaa ikɛi mì lo biuvɔnndo ho a niaa nuaa? Cuu vɔ ya po nɔm kalaa nanu.»

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Esekiɛl 24:24

Dɛnɛ Esekiɛl tosa-o vanin tɔɔmaseloo le niaa ni, la tosanin mɛɛ o tosa yɛ kpafii. Lɔ́ɔ́ kon keinin niaa coo-o, la sinanin maa ya co Maalii ni, Mɛlɛka pɛɛn.

Yonas 1:1

Paale pum, mí Mɛlɛka soaa o Yonas, po Amitai-yo lo, mó dimul ndu aa: