13 Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»
Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?
Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»
Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.
Vɛ̀ɛ̀ vanalanɔ komsaa nɔla pá mò pɔɛɛnun cɛlɛkpɛ o co vɔɛsio-o? Vɛ̀ɛ̀ ɲíí bii ndu a hɔ́ɔ́ o solin o ipulu-o le? Hali ndóò va bɛɛ maa komsaa nɔla mò pɔɛɛnun cɛlɛkpɛ ndɔɔ, ya ya, i pɔɛɛnunnin niaa co Siɔn-nda le few!
Te Hala cuɛi-yɔ pɛ billo yondoo nin, o co hau kɛ mò hun va siɔdii viowɔn o yin-ndo, vɛ̀ɛ̀ o kɛɛ yɛnin niaa vanndacieea cuɛyɔɔ hiovɔɔ billo coo? Mbɔ̀ laalan niaa dɔɔnan bɔɔ!
O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.
I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.
Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.
Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.