Luke 10:28 - BII BILA

²⁸ O kon, mí Yeesu mulul ndu aa: «A bɛɛndiaa muli, tosa lende mà sɔla cindaa.»

Luke 10:28 Referans Kwoze

Esekiɛl 20:11

Mí yɔngu nda silala nilan, mí cɔm nda tɔŋnda nilan, la vanacieo bɛnda mò kela coo haliko mi la tosa mó tuei yoomoo yeela lan.

Tɔŋ lasálàá 18:5

La bii tɔŋnda nilan a silala nilan. Vana bii lan pɛ mò kela lecoo, ndu sɔla yoomoo lenin. Kani ya co Mɛlɛka ni.

Matie 19:17

Mí Yeesu mulul ndu aa: «Le yɛɛ n co yɛ ya ɲunaa a dɛnɛ kɛndɔɔ o kɔɔ? Ɲɔɔ ndu pilɛ kpé naŋ ni. Taa yeema pɛ le cindaa sɔlaa, mɛɛ bii tɔŋndan.» Mí langbanɔɔ ɲuna ndu aa:

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

Kalatea 3:12

Nduyɛ o co o laalanndo nin te tɔŋndo fula le, kɛ mó dimi aa: «Vana bii pɛ tɔŋnda nilan mò kela lecoo, ndu sɔla cindaa o lan nin.»

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Luke 7:43

Mí Simɔn muli aa: «I ce maa vana kuee ndɔɔ ndóò hiow-vo.» Mí Yeesu dimul ndu aa: «A caa muli.»

Marke 12:34

Yeesu cɔu maa o muli a kɔlkaloo, mó dimul ndu aa: «A co levil a masale Hala len te.» O kon, vana-vana tɔɔndan ndɛ le ndu ɲunaa le.

Esekiɛl 20:21

Kɛ mí poaa ndaa kan bɛɛ a luɛi seesiɛi a ya. A bii silala nilan te, a bii tɔŋnda nila vanacieo bɛnda mò kela coo, mì la tosa mò tuei yoomoo yeela lan te, a kela lecoo le few. Má del kasi a palɛi nii pɛngiɛi. Mí dimi le kɔl ni tuwvo cuiŋio nda coo, le nda ciiyo a kɔl ni fulaa o lɛŋnde veselɛilen nin ndon.

Esekiɛl 20:13

Kɛ mí cuavaa Israɛlla luɛi seesiɛi a ya o lɛŋnde veselɛilen nin. A bii silala nilan te, má kɛɛ tɔŋnda nila vanacieo bɛnda mò kela coo, haliko mi la tosa mo tuei yoomoo yeela lan, má va kasio delɔɔ tuŋ-tuŋ a palɛi pɛngiɛi nii. Mí dimi le kɔl ni tuwvo cuiŋio nda coo o lɛŋnde veselɛilen nin, le nda ciiyo diwvo o lepilɔɔ.

Tɔŋ miingua 6:24

Le hee, mí Mɛlɛka Hala naa dimul naa le tɔŋndan ndan kpow biyɔɔ a le siòòŋii ndɔɛi nɔu, haliko mi n sɔla dɛnɛ kɛndɔɔ, mò ke naa yoomoo mɛɛ o co vɔ naa ndu yɔngoo hau nuaa yɛ.

Talelan 19:16

Vana bii pɛ tɔŋndan o manda yoomu ndɔɔ, kɛ vana dow kela ndɔɔ taasi le, o sɔla piɔ́mndo.

Rɔmnda 7:10

mí ya koni vu. O kon, mí tɔŋ yɔ̀ngu vana yoomoo-o yɔngu ya piɔ́mndo.