Luke 10:16 - BII BILA

¹⁶ Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Luke 10:16 Referans Kwoze

Nsaŋ 13:20

I co niaa toɲaa dimul, vana cɛl pɛ vana ya vem-ndo, mɛɛ ya o cɛl lende ni. Vana cɛl-lɛ ya pɛ, mɛɛ vana vem ya-o o cɛl lende ni.»

Matie 10:40

«Vana cɛl pɛ niaa, mɛɛ ya o cɛl ni. Vana cɛl-lɛ ya pɛ, mɛɛ vana vem ya-o o cɛl lende ni.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Nsaŋ 12:48

Vana kɛɛ ya pɛ, mò bii sɔɔn nun te, ndu nɔ vana yaalanin ndu-o, sɔɔn ya pɛɛku vannda-on yaalanin vana kon o paale mɛɛlaalen ni.

Nsaŋ 12:44

Mí Yeesu deŋi aa: «Vana laalan ya pɛ, o co ya le o laalan te, kɛ vana vem ya-o.

Marke 9:37

«Vana-vana bii pɛ cuaambɔa pɔmbɔa ha o pilɛ o diola nilan, mɛɛ ya pila o bii lende ni. Vana-vana bii yɛ ya pɛ, mɛɛ o co ya pila le o bii lende le, kɛ vana vem ya-o.»

Matie 18:5

Nduyɛ vana-vana cɛl pɛ cuaambɔ pɔmbɔɔ maa hoo o diola nilan, mɛɛ ya pila o cɛl ni.»

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Dɛnnda kiilaa 5:4

Nɔm óò tiwba mí nɔm óò manda yondo kon, te kon te, mɛɛ nɔm óò cii ndu pisi yɛ, mí nɔm óò manda volin mun. Kɛ le yɛɛ nɛ n tosa yɛ dɛnɛ vaa nuaa? O co vanaciee le n dimul còòlan te, kɛ Hala n dimul còòlan nuaa ni.»

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

Kundalan 16:11

Lelan niaa liiman kpungbɛi le Mɛlɛka simullo niaa kunda nɔmndo ho ni. Kani yɛɛ nɛ Aarɔn co yɛ kpeekpei le ndu simullo a sɛɛngianndo?»

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

Fulaa 16:7

Nduyɛ siɔdii, la canin biilu Mɛlɛka-o vakpa. Kani ndu pila tuei niaa sɔɔn pɔmbɔn dimio a ndu. Bau yɛɛ naa naa n co yɛ mì la soo sɔɔn pɔmbɔn a naa?»

Kundalan 14:2

Má soaa sɔɔn pɔmbɔn a Moise nda Aarɔn, má dimul nda aa: «Te naa n vinnun pɛ o lɛŋnde Esipte len nin, te kon te o lɛŋnde veselɛilen nden nin, kon va fisa le naa ni.

Fulaa 16:8

Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

Kalatea 4:14

Dialun nun mun hɛnan bɛɛ vana tofa le, kɛ a kon kpede, la kɛɛ ya le, la faaŋian ya le. Mí la bii ya maa mɛlɛkanɔ Hala, maa Yeesu Krista.