Luke 1:75 - BII BILA

⁷⁵ haliko mi n va vanaa diandaa a vanaa sandaa ndu o hɔl o palɛi naa n co yoomu-e nin kpow.

Luke 1:75 Referans Kwoze

Efɛsea 4:24

La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Luke 1:74

le naa baŋaa yaamɔaa naa o ba, haliko mi n tosal ndu baalaa, o ve a isiòòn te,