Luke 1:69 - BII BILA

⁶⁹ O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Luke 1:69 Referans Kwoze

Condii lisai 18:2

I kaola nɔm Mɛlɛka, nɔm co kpaayaa nuu ni.

Esekiɛl 29:21

Paale len, i cɔɔlunin cuavaa Israɛlla yoomuan. Nɔm Po vanacieo yɛ, i kumbinin nɔm sondoo mà soo ɲɛkɛndɛi nda tɛɛn, o kon nda bɛɛ sinanin maa ya co Mɛlɛka ni.

2Samiɛl 22:3

Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

Condii lisai 89:17

Niinoo kpɛŋ, a co yolan a ɲaaloo le diola nɔmndan, a co cɔnɔnndo isisi le tùú n sandu-o.

1Samiɛl 2:1

O kon mí Anɛɛ tosa piɛilen mó dimi aa: «Kɔl nuu co o piaa a ɲaaloo le kɛndɛi Mɛlɛka-e. Le kɛndɛi Mɛlɛka-e, siɛmbula co ya le. I nɔla nin mì mam yaamɔaa nia. I co a kɔlkɛndɔɔ, kani Mɛlɛka cii ya mala.

Marke 11:10

Duaa co le masale co hunɔɔ len, masale David fuɲa naa len! Biiloo co le Hala o halataala coocoo!»

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Matie 1:1

Diola fuɲaa-mamaa Yeesu Krista, po David-o a po Abraham-ndo-a la co lan ni:

Condii lisai 89:3

I dimulnin vannda mɛɛ kaola nɔmndo co le fɛɛn a fɛɛn yɛ, mɛɛ n lo o lediom coo yɛ.

1Masaa 11:13

Le bɛɛle David vana ni baalaa ke ya len a le hɛli ya hɛli kobio Yerusalɛm-ndo, i poondanin po nɔmndo masalen faw o ba le, kɛ i melnin ndu polalen lepilɛ o polama cuavaa Israɛlla tɛɛn.»

2Samiɛl 7:26

Màá diola nɔmndan la sɔla biiloo le lɔ́ɔ́-lɔ́ɔ̀, mì vannda va dimio aa: ‹Mɛlɛka-Nɔ-Kpaayaa-Kpow-vo co Hala Israɛlla ni!› Màá cɛi David vana nɔm baalaa lo o simia yili nɔm o hɔl le fɛɛn a fɛɛn!

Yeremi 30:9

Ya Mɛlɛka Hala ndaa, a David masa ya kenin nda-o nda tosalnin baalaa ni.