Luke 1:13 - BII BILA

¹³ Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Luke 1:13 Referans Kwoze

Dɛnnda kiilaa 10:31

‹Kɔrnɛil, Hala tuei piɛile nɔmnden. O loonun a ɲɛm n ke vanaa bala fondoa-on o kɔɔ.

1Samiɛl 2:21

Mí Mɛlɛka yiyan Anɛɛ coo, mó vialu vɛlɛ poaa nda yáá, a cuavaa laandua nda ŋiɔn. O telen kon bɛngu, Samiɛl va hindɔɔ o baala Mɛlɛka-o nin.

Condii lisai 113:9

O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

Luke 2:21

O paale ŋɔmaandɔlen, má dii ndu tooma, má ke ndu diolan aa Yeesu, mɛɛ mɛlɛkanɔɔ ndóò dimi lɔ́ɔ́ pá mí kala ndɔ cua foli ndɔɔ yɛ.

Condii lisai 118:21

I melnin nɔm Mɛlɛka balika, kani a mulul-la, a siŋnun vana ciindiaa nuu.

O Kandɔɔ 18:14

Yɛɛ nɛ kendu yɛ a Mɛlɛka? Tuma ya keinin o nɔm ndo ɲinasiaŋ-nde, Sara vialunin hɔ́ɔ́ piaandoo.»

Matie 14:27

Fɔ́ɔ́fɔ̀, mí Yeesu dimul nda aa: «La ɲulul kɔltan, ya ni, siòòŋii bii niaa le!»

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Daniɛl 10:12

Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.

Masaa kialaa n'yamaa 6:23

Kɛ mí Mɛlɛka dimul ndu aa: «Ɲulul kɔl, siòòŋii bii nɔm te, a vinin te.»

O Kandɔɔ 17:10

Kpema niaa bɛnda kon le biyɔɔ a mandaa niaa cuavaa nɔmaa imamaa-o co hoo ni: ɲɛ-ɲɛ co vanpiaandua o nɔm ndo cɛinin kpede, a bɛnda mà dii toomaa.

Luke 1:30

O kon mí mɛlɛkanɔɔ dimul ndu aa: «Yɔŋ isiòòn te Mari, kani Hala ce nɔm ɲia.

Esai 8:3

O kon kɔɔli, mí n mɔɔsa kpeloo naa laa nuu, vanalanɔ-tɛɛngaa-diom Hala-o pɛɛn, mó cua folio, mó vialu hɔ́ɔ́ piaandoo. Mí Mɛlɛka dimul-la aa: Ke ndu diolan aa ‹N keleŋan ɲɔɔn hiɔlɔɔ, n kɔ cuannun ɲɛm naa n puu o cɔwvo-on cɔ́-cɔ́!›

Osee 1:6

Mí Komɛr cua vɛlɛ folio, mó vialu hɔ́ɔ́ laandoo. Mí Mɛlɛka dimul Osee aa: «Ke ndu diolan aa Lo-Ruhama (kon co dimio ni aa «Kaolan te»). Kani i lonin cuavaa Israɛlla koalaa tuŋ te, i ve lɛnin nda hakio malɔɔ tuŋ te!

Osee 1:4

Mí Mɛlɛka dimul Osee aa: «Ke ndu diolan aa Yisreɛl. Kani o lo ɲɛ-pɔmbɔ cobe mì cɛn a yungu Yehu-o, le vanaa nda diw Yisreɛl-la, mì tɛɛmbuu masalen Israɛl kpow.

Marke 16:6

Mó dimul nda aa: «Siòòŋii bii niaa le, Yeesu Nasarɛt niaa co nuwviaa ni, o ndáà baŋ o yɔm singafilaa coo-o. O tendu fulaa vanvílɛ́iya tɛɛn, o co nanu le, la tofa vɔ fonda ndáà yambu ndu-o.

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Luke 1:14

A naŋnin kɔl mà dɔwnun ɲaale le ndu, mì vanaa bɔɔ-bɔɔ dɔwnun ɲaale le violɔn ndɔɔ.