Tɔŋ lasálàá 9:24 - BII BILA

²⁴ Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Tɔŋ lasálàá 9:24 Referans Kwoze

Masaa kialaa n'yamaa 6:21

Mí mɛlɛkanɔ Hala-o yulu sionnde va ndu o ba len, mó pilan visiei a bulu ndóò toosian kon a lɛvɛn too. Fɔ́ɔ́fɔ̀, mí yinnden le bii vum o powvo, mí le loam ɲɛm mun. O kon, mí mɛlɛkanɔ Hala kon lo ndu o hɔl.

1Dɛnnda lemasalan 21:26

Mí David cɔaw fonda-loamaa-lasálàá o fonda kon le Mɛlɛka, mó soli sálàla loamaalan a sálàla kɔlɲululan lecoo. O kon kɔɔli, mó piɛi Mɛlɛka, mí Mɛlɛka mulul ndu, mó tuisi yinnden fulaa o halataala le sálàla va o fonda-loamaa-lasálàá coo lan lomɔɔ.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

Masaa kialaa n'yamaa 13:23

Mí laa ndɔ mulul ndu aa: «Te Mɛlɛka ndóò yeema pɛ le naa diyɔɔ, ndóò cɛlnin sálà loamaa naa a ɲɛm-kéan nan te, ndóò cɔmnin naa ɲɛ naa n ce-o le, ndóò dimulnin naa vɛlɛ sɔɔn naa n tuei mun-ndon te.»

Tɔŋ lasálàá 6:13

«Te Aarɔn nda poaa ndɔa sɔla pɛ pɔlaa, a bɛnda mà soli sálàá a ɲɛm vaan. Ɲɛ nda bɛnda mà cua le sálà kon-ndo co hoo ni: lepalaa-lepala kpeyanndo kiloo leyàá: idii kiloo ca a tálá icɔl ca a tálá.

Fulaa 3:2

Lon mɛlɛkanɔ Hala-o cɔmnun ndu o yinnde biyaalen nin o bɔɔ nin ni. Moise va yinnden cɔu sandei vulɛi-vulɛi o bɔɔ nin, kɛ bɔɔ kon ve ŋɔ le.

O Kandɔɔ 15:17

Mɛɛ paalen le del, mí ɲumndan ma toal kpingbi, mí felenfelen ikumndo a yinnde biyaalen le kei o visin Abram ndóò dii kundalan-ndon tɛɛn.

Dɛnnda cɔɔmuanndan 7:11

Mí mɛlɛkaa kpow a sim o kpɛŋɛ lemasaa balɔɔ pindo, mí bɛndua yuuvɛiya a ɲaa yoomaa hiɔɔlua del a hɔlla a kuumbua lɛŋ o kpɛŋɛ lemasaa hɔl-ndɔ, ma va Hala biiloo,

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Ɛsdras 3:11

Má soli condun lisan a condun malaa balikan o polalen a pilɛn-pilɛnnda le Mɛlɛka biiloo, má va dimio o condei nin aa: «Mɛlɛka naŋ bɔɔ! Vanakɛndɛyɛi ndɔɛi, i co le Israɛl le fɛɛn a fɛɛn!» O kon mí vannda kpow deŋi coocoo kpélén le Mɛlɛka lisaa le tùú nda va Cɛi biilaa ndɔɔ kilaa-o.

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

2Dɛnnda lemasalan 6:2

kɛ ya, i cii nɔm cɛi kɛndɛ sɔvɛ bɛndoo tengul, nɛɛ n vanin icali le fɛɛn a fɛɛn-nda pɛɛn!»

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Kundalan 14:5

Mí Moise nda Aarɔn a deli lɛŋ a kuumbuan o kɔl coo Israɛlla kpow o hɔl.

O Kandɔɔ 17:3

O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

Tɔŋ lasálàá 10:2

Lelan, mí yinnden le fula fɛlɛmɛndɛn nɛɛ Mɛlɛka va-a, mí le hun loam nda kpúlúká, má vu Mɛlɛka o hɔl lon.

Kundalan 23:21

O ci dɛnɛ vɔɔn o Yakɔb nin te. O ci dɛnɛ sandaa lepɛŋ o Israɛl nin te. Mɛlɛka Hala ndaa co nda ikɛi. A co ndu lisaa kpeekpei le masale ndɔlen.