Tɔŋ lasálàá 9:23 - BII BILA

²³ O kon kɔɔli, mí Moise nda Aarɔn a luɛi o cɛi-kola-toandaa-labɔɔŋianndo nin. Mɛɛ nda fula, má dɔaw Israɛlla kpow duaa. Mí biilu Mɛlɛka-o cɔmnun vana-vana va lon.

Tɔŋ lasálàá 9:23 Referans Kwoze

Tɔŋ lasálàá 9:6

Mí Moise dimul nda aa: «Ɲɛ Mɛlɛka dimi le tosaa-o co hoo ni, haliko mi biilu ndɔɔ cɔmnun niaa.»

Kundalan 16:19

Mí Kore cuungiaa sɛ́lɔ́ɔ́ kpow o cɛi-kola-toandaa-labɔɔŋianndo sondoo, mó vow nda sɔɔn nin le Moise nda Aarɔn simullo. Mí biilu Mɛlɛka-o fula dɔ́ɔ́ sɛ́lɔ́ɔ́ kpow o hɔl.

Kundalan 14:10

Mí vannda kpow va dimio le nda viiyo a powtan, telen kon kpafii biilu Mɛlɛka-o fula ceen o cɛi-kola-toandaa-labɔɔŋianndo coo Israɛlla kpow o hɔl ni.

Fulaa 39:43

Mí Moise mɛɛndan vali tosan-ndo, mó ca maa o tosan ɲɛkɛndɛi mɛɛ Mɛlɛka cɔm ndu yɛ. O kon, mó dɔaw vanaa tosa baala kon-nda kpede duaa.

2Dɛnnda lemasalan 7:1

Mɛɛ Salomɔn cii piɛilen, mí yinnden le fula o halataala, mí le toal. Mí le loam sálàla loamaalan a sálàla kɔlɲululan. O kon mí biilu Mɛlɛka-o pei Cɛi-Hala-o ca.

Fulaa 16:10

Tuma Aarɔn va sɔɛi o Israɛlla kpow lo-o, mí Israɛlaa kan muli hɔlla ba lɛŋnde veselɛilen, mí biilu Mɛlɛka-o cɔmnun nda o kumnde nin.

Tɔŋ lasálàá 9:4

Mì la bii vɛlɛ naw tovaa a saa kóndóó le sálà kɔlɲuloo solio, mì la cɔm Mɛlɛka nda latulu a kpeyan vɔɔcan a cuɛiyan-ndo. Kani paalen nden hau, Mɛlɛka co niaa cɔmnɔn.›»