Tɔŋ lasálàá 9:10 - BII BILA

¹⁰ Mó loam visin macuɛiyon, kɔlkelon a bungɛi hiow naŋɔɔ o yemii cɔlu kon nin-nde o fonda-loamaa-lasálàá coo mɛɛ Mɛlɛka dimul Moise le tosaa yɛ, cɔlu solin kon sálàá le hakio sɔlaa malɔɔ-o pɛɛn.

Tɔŋ lasálàá 9:10 Referans Kwoze

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Condii lisai 51:17

Maalii, kumbi cɔcɔn nun, mì sondo nuu lisa nɔm.

Fulaa 29:13

O kon kɔɔli, a cua visin macuɛin kumbu ɲɛm co cɔlu kon o dembe-on-ndon, a bungɛi hiow naŋɔɔ o yemnde nin-nde, a kɔlkelen miunndon, a cuɛima kumbu kɔlkelen mun-ndan, a lom ɲɛm mun kpow o fonda-loamaa-lasálàá coo.

Tɔŋ lasálàá 9:9

Mí poaa ndɔa hun a kooma naw téndé kon o ndu lo, mó yin suei lenin, mó suu man o kpɛ̀ɛ́n fonda-loamaa-lasálàá, mó cuuŋuu kooma tɔ̀an kpow o fonda-loamaa-lasálà kon bɛngu.

Tɔŋ lasálàá 9:11

Kɛ mó fula o dɔ́ɔ́ngɔ́ɔ̀ kɔɔli, mó loam visin tɔ̀un a yáw cɔlu kon kpúlúká o yinnden nin.