Tɔŋ lasálàá 8:8 - BII BILA

⁸ mó handu ndu doma-lapow-iyamaa o takpa, mó vow urim a tumim o yifɔla doma-lapow-iyama kon nin.

Tɔŋ lasálàá 8:8 Referans Kwoze

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

Efɛsea 6:14

Lelan, la va a bɛɛndiannda: la yiinun toɲaa o can maa leyaw, mì la vownun dɛnɛ sandaa maa doma cɔw.

Esai 59:17

O vownun dɛnɛ sandaa maa doma cɔw icilin, o handun mɔsil cindaa o lebol mulaa, o vownun volɔɔla mingiaa màá lan maa doma lebɛngu, o vownun dialun fulan mɛɛ vana simbulun o doma bɛndu lecoo nin yɛ.

Condii kɛndɛ-kɛndɛi 8:6

Hol-la o kɔl nɔmndo coo maa tampɔm, manda ya mì va nɔm ikɛi maa kelɛi ba n sɛva diola nɔmndan coo-e. Kani mɛɛ piɔ́mndo nɔ yoomuan yɛ, lende koni kaolaa bɛɛ nɔ yoomuan ni. Mɛɛ ciee-piɔ́m kendu nuaa yɛ lende koni paŋalaa bɛɛ kendu ni. Vana nɔla ndu tundɔɔ le. Vana ca ko yelenyelen paŋalaa aa yelenyelen leyinndo ni, yinnde fula o Mɛlɛka lo len pɛɛn.

Kundalan 27:21

O simnin Eleasar vana-solia-lasálàá o hɔl, mì Eleasar ɲuna ya Mɛlɛka a urim le dɛnɛ ndɔɔ. Mɛɛ o diminin yɛ Yosue a sɛ́lɛ́ Israɛlla kpow a tosanin o dɛnndan kpow nin ni.»

Tɔŋ miingua 33:8

Mó dɔaw polale Levii len duaa aa: «Tumim a urim yɔngun vanaa nɔmaa diandaa, vanaa n tɔɔndan Masa-a, vanaa sɛɛngian o mɛnndan Meriba coo-a.

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

Nehemi 7:65

O kon mí masa ibungaa dimul nda maa a dia ɲɛm diandan te, háá fɔ mì vana-solia-lasálàá ɲuna Mɛlɛka o urim a tumim hiiloo nin.

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,