Biblia Todo Logo
Bib sou entènèt

- Piblisite -




Tɔŋ lasálàá 8:4 - BII BILA

4 Mí Moise tosa mɛɛ Mɛlɛka dimul ndu yɛ, mó cuungiaa sɛ́lɔ́ɔ́ kpow o cɛi-kola-toandaa-labɔɔŋianndo sondoo.

Gade chapit la Kopi




Tɔŋ lasálàá 8:4
19 Referans Kwoze  

O ya sɔla-o, ndu fɔlɔn ya pɛɛku niaa ni, maa Krista vi le hakila naalan maa mɛɛ o sɛvan yɛ.


Kani naamu ya tɛɛngul niaa-o, Maalii o ba ya sɔla ndu ni. Icɔl nda mal Maalii Yeesu vannda o ba-o, mó cua buloo,


mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»


O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»


Mí Moise cua kɔŋɔ saa kóndó va le sálà kandaa baala Mɛlɛka-o-o, mó tosa faleŋii vana heelu ɲɔɔ coo le Mɛlɛka ndu cɔmndo-e. Mí kɔŋɔ kon yɔngun Moise mɛɛ Mɛlɛka dimul ndu le tosaa yɛ.


Visin tɔ̀un naw kon, yáw ndɔɔ, a ɲɛm va ndu o dembe-on kpow, mó loam mun a yinnden o dɔ́ɔ́ngɔ́ɔ̀ kɔɔli, mí Moise tosa falenndon mɛɛ Mɛlɛka cɔm ndu yɛ kpafii.


Mí Moise veelu vɛlɛ poaa Aarɔn-nda, mó vow nda domala lebɛngulan, mó yii nda yáwve, mó vow nda mɔsilta solia lasálàlan mɛɛ Mɛlɛka dimul ndu le tosaa yɛ kpafii.


Mó vow ndu mɔsil vilɛiyo o lebol, mó handu pɛngɛi n'sianiei o mɔsil kon laci, tomasele diandaa co kon ni, mó va kpafii mɛɛ Mɛlɛka dimul ndu Moise le tosaa yɛ.


Má sɔandu yáwle kandannden, má toosiaa len a kola keese kɛndɛ-kɛndɔɔ, a kola nda lɔ a kɛila nda yin a kaan-ndan, a kɛila siaŋala sɔɔtɔtɔlan a á kɛila siaŋala vólotótolan-ndo mɛɛ Mɛlɛka cɔm Moise le tosaa yɛ.


A baa pɛ bambɛi pɔmbɔɛi pilɛ, a baa tuula krenadeo o pilɛ. Lende nda bayiaa mun o cɔcɔɛi lebɛngui doma bɛndu kon ni pindo, le baalaa tosaa o cɛi-kola-toandaa diandaa nin maa mɛɛ Mɛlɛka cɔm Moise le tosaa yɛ.


Má vul yoole kola nda yin a kaan-ndo o kelan lebɛngun doma-lapow-iyama kon nin, má yii len o kelan lebɛngun doma ifalenndo, haliko mi doma-lapow-iyamaa va o baa o yáwle kandannde doma ifalenndo coo, o hiilùn te, mɛɛ Mɛlɛka cɔm Moise le tosaa yɛ kpafii.


Má baa lan o yoei lacongúi doma ifalen vana-solia-lasálàá coo, le loonɔnndo a poaa Yakɔb-a. Má tosa mɛɛ Mɛlɛka cɔm Moise le tosaa yɛ.


A kola pilɛ nda sɔndu doma ifalenndo-o koni nda sɔndu vɛlɛ yáwle vana kandan o doma kon coo len ni. Má tosa yáwle len a kola nda lɔ a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan, a kola keese kɛndɛ-kɛndɔɔ a á kɛila n'sianila lan maa mɛɛ Mɛlɛka ndóò dimul Moise yɛ.


Má tosa volɔɔla vanaa-solia-lasálàá le vallo tosaa a lan lekɔɔ o cɛi-kola-toandaa diandaa nin a volɔɔla bolle vanaa-solia-lasálàá Aarɔn-ndan a kola nda yin a kaan-ndo, a kola siaŋa sɔɔtɔtɔɔ, a kola siaŋa vólotótoo. Má tosa lan mɛɛ Mɛlɛka pila cɔm Moise le tosaa yɛ kpafii.


ma cuungiaa vɛlɛ sɛ́lɔ́ɔ́ kpow o cɛi-kola-toandaa-labɔɔŋianndo sondoo.»


Mó dimul nda aa: «Ɲɛ Mɛlɛka dimul naa le tosaa-o co hoo ni.»


Swiv nou:

Piblisite


Piblisite