35 O palɛi ŋɔmmɛw-ve he bɛngu kpede, la bɛnda mì la lo o cɛi-kola-toandaa-labɔɔŋianndo sondoo paalen a ɲumndan, mì la bii sɔɛi Mɛlɛka-e yɔŋii niaa vu. Kon dimulun ya le tosaa ni.»
Bii diom Mɛlɛka Hala nɔmndo, mà kela o nɛila ndɔlan coo. Bii tɔŋnda ndɔlan a silala ndɔlan, mà kela o pɛɛkula ndɔlan coo mɛɛ o co o sɛvaa o tɔŋ Moise-o nin yɛ, haliko mi tuula nɔmndan kpow la bɛnda nɔm o ba, mì dɛnnda nɔmndan la biinun bila.
Tɔŋ Moise-o ndu handun le vanndacieea tiun te-a. Kɛ mí sɔɛi Hala mɛnan-nde, i hin o tɔŋndo kɔɔli-e i siinguu Poo bolle vanaa-solia-lasálàá, o sɔla tiuvɔnndo le fɛɛn a fɛɛn-ndo.
I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,
Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.
Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.
Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.
Vanaa-solia-lasálàá sɔlanin pɔlaa o polale Sadɔk len coo-a nɔnin bungɛi ken ni. Kani nda va baala nuu tosaa ni, (ya Mɛlɛka), nda nda laasian mɛɛ leviia laasian telen cuavaa Israɛlla luɛi o pɔwlan nin-ndo le.
O palɛi ndii ŋɔmmɛw bɛngu, lepalaa-lepala a bɛnda mà soli cuin toovio pilɛ sálà le hakio sɔlaa malɔɔ, vana bɛnda mà soli sálàá a naw tova téndóó o pilɛ a á saa kóndóó o pilɛ, cɔlua fula o cɔlua pɔmbɔa nin-nda pɛɛn, cɔlua kan nda ŋiɔn kpow a bɛnda mà nɔ lenamta le.
Te o dindin pɛ o paale yàándɔlen a o paale ŋɔmmɛwndɔlen coo a mɛmma diandaama man, mɛɛ o siŋnun vana diandaa Mɛlɛka o hɔl. Te o tosa lende le, mɛɛ o lonin-ndɔ o nɔɔlɛiyo.
O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.
Paale pilɛ, mí poaa Aarɔn-nda nda ŋiɔn, Nadab a Abihu, vana-vana cua bonyii fuusɛi ipilɛ, má vow yinnde ladɛngulten lenin, má kɛsi ansan lecoo. Má kɔa Mɛlɛka o hɔl a yinnde súú celennden, nduyɛ o ve lende le Mɛlɛka ndóò yeema le.
Mí Moise cua cuɛima va le pɔlaa-an a kooma va o fonda-loamaa-lasálàá coo-an, mó fasaŋiaa man Aarɔn coo a o volɔɔla va ndu lekɔɔ lan coo, mó fasaŋiaa man vɛlɛ poaa Aarɔn-nda coo a o volɔɔla va nda lekɔɔ lan coo. Lende Aarɔn nda poaa ndɔa, a volɔɔla va nda lekɔɔ lan kpow sɔla pɔlaa ni.