Tɔŋ lasálàá 8:23 - BII BILA

²³ Mí Moise kialu ndu bololan, mó cua kooma ndɔan, mó vow man o nile tiilannde ba kɛndɛle Aarɔn-nden nin, mó suu ndu man o suei bɛndui ba ndɔ kɛndɔɔ a o suei bɛndui bɛngu ba ndɔ kɛndɔɔ.

Tɔŋ lasálàá 8:23 Referans Kwoze

Fulaa 29:20

Mi nɔm Moise kelu ndu bololan, ma haw kooma ndɔan, ma suu man o nile tiilannde ba kɛndɛle Aarɔn-nden coo, a o nila tiilannda bala kɛndɛla poaa ndɔa coo, ma suu vɛlɛ man o sun bɛndun bala ndala kɛndɛlan coo a o sun bɛndun bɛngula ndala ba kɛndɛlan coo. O kon kɔɔli, a fasaŋiaa man o kpengun hiɔɔlun fonda-loamaa-lasálàá.

Tɔŋ lasálàá 14:17

O cii pɛ kon, o sui cuɛima tɔ̀ma lo ndu o ba-an o nile tiilannde ba kɛndɛle vana co kon dindinndo-o coo, o suu ndu man vɛlɛ o suei bɛndui ba kɛndɛi a o suei bɛndui bɛngu ba kɛndɛi, o kooma cɔlu sálà bɛɛndiaa isɔɔ coo. Kani o falun mun koni o suu kooma saa téndé yɔngun le sálà bɛɛndiaa isɔɔ solio-o ni.

Tɔŋ lasálàá 14:14

O kon, vana-solia-lasálàá cua kooma cɔlu co le sálà bɛɛndiaa isɔɔ-o-an, o sui man o nile tiilannde ba kɛndɛle vana kon coo, o suei bɛndui ba ndɔ kɛndɛi coo, a o suei bɛndui bɛngu ndɔ ba kɛndɛi coo.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Tɔŋ lasálàá 14:28

O kon o tala man ɲɛ-pɔmbɔ o nile tiilannde ba kɛndɛle vana kon nin, o suu man o suei bɛndui ba kɛndɛi ndɔɛi a o suei bɛndui bɛngu ba kɛndɛi ndɔɛi coo, o kooma saa téndé co le sálà bɛɛndiaa isɔɔ-o-an coo. Kani o falun mun o suu kooma man ni.

Hebreea 5:8

Po Hala-o Krista co ni, kɛ a kon kpede, mó tuisin o sangala kei ndu coo lan nin kpow.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

1Tesalonikea 5:22

La mandán le dɛnnda vɔɔnndan kpow.

Fulaa 29:21

A cii pɛ, a cua kooma vanin makɛsiaa o fonda-loamaa-lasálàá coo-an, a cuɛima co le pɔlaa-an, a fasaŋiaa man Aarɔn coo a o volɔɔla ndɔla cuɛinanndan coo, a fasaŋiaa man vɛlɛ poaa Aarɔn-nda coo a o volɔɔla ndala cuɛinanndan coo. Lende Aarɔn bɛnda ni mo sɔla pɔlaa nda poaa ndɔa, a volɔɔla ndala cuɛinanndan le vali solia lasálàá tosaa ya Mɛlɛka o hɔl.

Tɔŋ lasálàá 7:37

Tɔŋndo co kon le sálàla loamaalan, sálàla ɲɛm-vaalan, sálàla co le hakio sɔlaa malɔɔ lan, sálàla-bɛɛndiaa-isɔɔlan, sálàla-kandaa-baalalan a sálàla kɔlɲululan solio o ya Mɛlɛka lo ni.›»

Tɔŋ lasálàá 14:25

O cii pɛ, o kelu saa téndóó bololan, o haw koovan, o sui man o nile tiilannde ba kɛndɛle vana kon coo, o suu man vɛlɛ o suei bɛndui ba kɛndɛ ndɔɔ a o suei bɛndui bɛngu ba kɛndɛ ndɔɔ coo.