Tɔŋ lasálàá 8:14 - BII BILA

¹⁴ O kon kɔɔli, mí Moise sɔɔnguu naw tova va le sálà co le hakio sɔlaa malɔɔ-o, mí Aarɔn nda poaa ndɔa handu balan naw tova kon o lebol.

Tɔŋ lasálàá 8:14 Referans Kwoze

Esekiɛl 43:19

Lelan, bii naw tova téndóó ma yɔngu leviaa-solia-lasálàá, a fula o polale Sadɔk len coo-a, a co sɔɔnguuo ya ikɛi le vaa o vali nuu nin-nda, le sálà co le hakio sɔlaa malɔɔ-o solio a cɔlu kon. Diom Maalii dimi-o co kon ni, Mɛlɛka pɛɛn.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Condii lisai 66:15

I solulnin nɔm sálàla loamaalan a cɔlua macuɛiya, i solulnin nɔm sálàlan a saa kóndóa, mì lum nɔm cuɛima cun kɛndɛan. I solulnin nɔm sálàlan a nawva a á cuinaa toovia.

Tɔŋ lasálàá 16:21

O kon, o handu bala ndɔlan cuin toovi kon o lebol, o sɔlɔlan hakila Israɛlla, nila kalula ndalan a tɛɛmbuula ndalan kpow, o vow lan cuin kon coo. O kon kɔɔli, vana hɛlin lelan-ndo kɔɛ a cuin kon, o tow ndu o lɛŋnde veselɛilen nin polon.

Tɔŋ lasálàá 16:6

O kon, Aarɔn soli sálàá a naw tova co le hakio sɔlaa malɔɔ-o le haki ndɔ ndu pila-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen.

Tɔŋ lasálàá 8:2

«Veelu Aarɔn nda poaa ndɔa, ma cua volɔɔla solia lasálàlan, cuɛima pɔlan, naw tova co le sálà co le hakio sɔlaa malɔɔ-o, saa kóndóa ŋiɔnda a kambɛi bulu toosian a lɛvɛn too co nin-ndo,

Tɔŋ lasálàá 1:4

O handu baa cɔlu kon o lebol haliko mo cɛlnun, mì Mɛlɛka vɔɔsu yɔŋnda vɔɔnnda vana kon.

Tɔŋ lasálàá 4:15

Mì kaasoŋaa kɔlkalua nda tɛɛn a handu balan naw tova kon o lebol Mɛlɛka o hɔl, mà kelu ndu bololan ndon.

Kundalan 8:12

Mì leviaa kan handu bala ndalan navaa tovaa ŋiɔŋaa kan o lebol, mì nɔm pila solul-la o pilɛ sálà co le hakio sɔlaa malɔɔ-o, ma soli o pilɔɔ sálà loamaa, haliko mi faleŋii baŋannde tosan le leviaa kan.

Esekiɛl 43:20

O kon, mì nɔm cua kooma naw kon, mà sui man o kpɛ̀ɛ́n hiɔɔlun fonda-loamaa-lasálàá, o sɔngila hiɔɔlula boondii ndɔɛi, a o cɔcɔɛi mɛɛlɛi co o bɔŋala ndɔlan-nde. Lende n dindinin fonda-loamaa-lasálàá ni, mà tosa faleŋii baŋannde lecoo.

Esekiɛl 44:27

Paale o luɛinin o Fonda-Diandaa nin-nden, o bɛnda mò soli sálà ndɔɔ le hakio. Ya Maalii, ya co Mɛlɛka-o soo nuaa ni.