Tɔŋ lasálàá 7:31 - BII BILA

³¹ O kon, vana-solia-lasálàá lom cuɛima man o fonda-loamaa-lasálàá coo. Kɛ Aarɔn nda poaa ndɔa nɔnin kɔŋɔ kon ni.

Tɔŋ lasálàá 7:31 Referans Kwoze

Tɔŋ lasálàá 7:34

Kani kɔŋɔ co kon le faleŋii heelaa ɲɔɔ Mɛlɛka o hɔl-lo-e a lɔlu ba kɛndɛ nda faŋa kon-ndo, i faŋa ɲɛm mun o cɔlua Israɛlla yɔngu le sálà kɔlɲuloo solio-a coo, mí yɔngu Aarɔn nda poaa ndɔa mun. Le nda ɲɛm mun vanin le fɛɛn a fɛɛn ni. La bɛnda mì la tuei silaa ho.

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Tɔŋ lasálàá 3:11

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Kundalan 18:18

Le nɔm visin ndan vanin ni mɛɛ kɔŋɔ niaa cɔm ya Mɛlɛka a faleŋii vana cɔm ya ɲɔɔ-e tosaa-e a lɔlu ba kɛndɛ cɔlu sálà kɔlɲuloo co le nɔm yɛ.

Tɔŋ lasálàá 8:29

Mí Moise cua kɔŋɔ saa kóndó va le sálà kandaa baala Mɛlɛka-o-o, mó tosa faleŋii vana heelu ɲɔɔ coo le Mɛlɛka ndu cɔmndo-e. Mí kɔŋɔ kon yɔngun Moise mɛɛ Mɛlɛka dimul ndu le tosaa yɛ.

Tɔŋ lasálàá 6:16

Kani vana-solia-lasálàá yɔngu pɛ ɲɛm vaan le sálàá solio, sálà kon bɛnda mò dennun te, o bɛnda mò ŋɔɛ kpow o yin.»

Tɔŋ lasálàá 5:13

Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

Fulaa 29:26

Ma cua kɔŋɔ saa kóndó co kon le sálà kandaa baalaa solio le Aarɔn-ndo, ma tosa faleŋii vana heelu ɲɔɔ Mɛlɛka o hɔl-le, ma cɔm ndu kɔŋɔ kon. A cii pɛ, a loo kɔŋɔ kon le nɔm pila, o co le nɔm-ndo co kon ni.

Kundalan 18:11

O kon kɔɔli, a bɛnda ma bii ɲɛm nda faŋanin o ɲɛm-kéan ndan coo-on nda o ba, kon co dimio ni aa ɲɛ-ɲɛ Israɛlla solul-la sálà a faleŋii vana cɔm Mɛlɛka ɲɔɔ-e tosaa. Nɔm Aarɔn, poaa nɔmnda a cuavaa nɔmaa laandua ya yɔngu kon kpede ni. Tɔŋ vana faŋa lecoo loo co kon ni. O yungule nɔmnden nin, vanaa-vanaa va pɛ a diandaa, nda bɛnda le ɲɛm mun dioo ni.

Tɔŋ miingua 18:3

Ɲɛm vanaa-solia-lasálàá vanin sɔlaa Israɛlla o ba-on vanin mun ni: vana-vana dii pɛ nawvo, te kon te saa le sálà kɔlɲuloo solio, o bɛnda mò yɔngu nda congoo, yaalelan a demboo.