Tɔŋ lasálàá 7:30 - BII BILA

³⁰ Mì vana kon pila hin a ɲɛm ŋɔanin mun o yinnden nin le ya Mɛlɛka-on, ɲɛm mun co mun ni: cuɛima cɔlu kon a kɔŋɔ ndɔɔ, kɔŋɔ kon yɔngunnin le faleŋii vana heelu ɲɔɔ coo le Mɛlɛka ndu cɔmndo-e.

Tɔŋ lasálàá 7:30 Referans Kwoze

Kundalan 6:20

O kon, vana-solia-lasálàá tosa faleŋii vana heelu ɲɔɔ coo le Mɛlɛka ndu cɔmndo-e. Ɲɛm dian mun a ɲɛmahilu kon, ɲɛ diandaa-diandaa pila o co Mɛlɛka o hɔl ni, le vana-solia-lasálàá ɲɛm mun co ni, lende koni kɔŋɔ nda tosa faleŋii cɔmaa sálàá Mɛlɛka o hɔl-le coo-o a lɔlu nda faŋa-o co vɛlɛ le ndu ni. Kon cuu pɛ, vana ndóò solin ndu pila sálà-o nɔla niko mò kol mɔiyan.

Tɔŋ lasálàá 3:14

O sálà kon nin, o soli ɲɛm co le lomɔɔ le ya Mɛlɛka-on: cuɛima kumbu pulon-ndan a cuɛima pulun mun simbulun nin-ndan,

Tɔŋ lasálàá 3:9

O sálà kon nin, o soli ɲɛm ŋɔa o yin le ya Mɛlɛka-on: cuɛima cɔlu kon, puile ndɔlen kiolɔɔ a pɛɛngu paa kɔ́ɔ́ dí, cuɛima kumbu pulon-ndan, cuɛima pulun mun simbulun nin-ndan,

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

Nsaŋ 10:18

Vana-vana hélú ndu ya o ba le, kɛ ya pila yɔngu ni. I nɔ dí ya yɔ́ngù ndu-o, i nɔ vɛlɛ di ya mingin ndu o ba-o. Lende Fuɲa nuu dimul-la ni.»

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Tɔŋ lasálàá 9:21

Mí Aarɔn cua kɔŋɔla lan a lɔlu ba kɛndɔɔ, mó tosa faleŋii vana heelu ɲɔɔ coo le Mɛlɛka ndu cɔmndo-e mɛɛ Moise dimul ndu le tosaa yɛ, mó heelu ɲɛm mun coo, mó cɔm Mɛlɛka mun.

Tɔŋ lasálàá 8:27

Mó cua ɲɛm mun kpow, mó yɔngu Aarɔn nda poaa ndɔa, mó cɔm nda faleŋii vana heelu ɲɔɔ coo le Mɛlɛka ndu cɔmndo-e. O kon mí nda tosa faleŋii ken, má cɔm Mɛlɛka ɲɛm mun.

Tɔŋ lasálàá 8:29

Mí Moise cua kɔŋɔ saa kóndó va le sálà kandaa baala Mɛlɛka-o-o, mó tosa faleŋii vana heelu ɲɔɔ coo le Mɛlɛka ndu cɔmndo-e. Mí kɔŋɔ kon yɔngun Moise mɛɛ Mɛlɛka dimul ndu le tosaa yɛ.

Tɔŋ lasálàá 10:14

Nɔm pila, poaa nɔmnda a cuavaa nɔmaa laandua, la bɛnda mì la de kɔŋɔ cɔlu sálà nda heelu coo Mɛlɛka o hɔl-lo a lɔlu solin-ndo nɛɛ diandaa pum, kani falun mun yɔngun niaa ni. Niaa poaa nɔmnda falun mun yɔngun o sálàla kɔlɲulula Israɛlla solinin-ndan kpow nin ni.

Kundalan 8:11

O kon, Aarɔn tosa faleŋii vana tosa le ya Mɛlɛka ɲɔɔ cɔmndo-e, le ya leviia yɔngoo fulaa Israɛlaa tɔ̀a o ba, mì nda va nin le vali nuu.

Tɔŋ lasálàá 9:20

Má cua visin macuɛin mun, má kɛsi o kɔŋɔla cɔlua kan coo, o kon mí Aarɔn loam ɲɛm mun o fonda-loamaa-lasálàá coo.

Tɔŋ lasálàá 10:15

Israɛlla hunnin a visin macuɛin ŋɔanin o yinnden nin o fonda-loamaa-lasálàá coo-on, mà hin vɛlɛ a lɔlu solinnin-ndo, a kɔŋɔ nda solinin mà heelu ndu coo Mɛlɛka o hɔl, mà tosa falennde le ndu ndu cɔmndo-o. Falun mun co le nɔm a le poaa nɔmnda. Sɔɛi kelun le fɛɛn a fɛɛn-nde co ken ni, lende Mɛlɛka dimi ni.»

Tɔŋ miingua 18:3

Ɲɛm vanaa-solia-lasálàá vanin sɔlaa Israɛlla o ba-on vanin mun ni: vana-vana dii pɛ nawvo, te kon te saa le sálà kɔlɲuloo solio, o bɛnda mò yɔngu nda congoo, yaalelan a demboo.