Tɔŋ lasálàá 7:26 - BII BILA

²⁶ Fonda oo fonda niaa va pɛ fɛɛn icali, la bɛnda mì la de koovan te, o va kooma yow o va kooma cɔlu celen.

Tɔŋ lasálàá 7:26 Referans Kwoze

O Kandɔɔ 9:4

Kɛ nduyɛ, la dia vision a yoomoo lenin te, koovan pɛɛn.

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Nsaŋ 6:53

Mí Yeesu dimul nda aa: «I co niaa toɲaa dimul kpendekele, te la di dialun Po vanacieo, mì la kol kooma ndɔan te, mɛɛ yoomu venin niaa nin te.

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Tɔŋ lasálàá 7:25

Vana-vana de pɛ cuɛima cɔlu nda yɔngu le ndu lomɔɔ o yin le ya Mɛlɛka-o, a faŋanin vana kon Israɛlla tɛɛn few-few.

Tɔŋ lasálàá 7:27

Vana-vana de pɛ koovan, a faŋanin vana kon Israɛlla tɛɛn few-few.›»

Tɔŋ lasálàá 19:26

La diá vision a koovan lenin te. La vá vanaa mangalaa le. La vá vanaa viamaa yava le.

Tɔŋ miingua 12:16

Koovan kínɛí niaa bɛnda mì la de le ni. La bɛnda mì la cuiŋi man lɛŋ maa mamɛn.

Tɔŋ miingua 12:23

Kɛ nduyɛ, la mandan le vision dioo a koovan, kani koovan ma co yoomu ɲɛ yoomaa ni. La bɛnda mì la de yoomoo a vision te.

Tɔŋ miingua 15:23

Kɛ o va bɛɛ lende, la dia koovan te. La bɛnda mì la cuiŋi man lɛŋ maa mamɛn.»

Fulaa 22:30

La bɛnda mì la va vanaa diandaa le ya Mɛlɛka. Lelan, la dia visin cɔlu visia biyaa sɛɛsiaa-o le, la bɛnda mì la yɔngu tunnda visin mun.»