Tɔŋ lasálàá 7:21 - BII BILA

²¹ Te vanndo pilan vɛlɛ pɛ ɲɛ co o nɔɔlɛiyo-o, o va vanaciee nɔɔlɛi o va visi nɔɔlɛi, te kon te dɛnɛ nɔɔlɛi súú-súù, mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.»

Tɔŋ lasálàá 7:21 Referans Kwoze

Esekiɛl 4:14

Mí dimi aa: «Éé Maalii Hala! I kɛɛ ɲɛ-ɲɛ co o nɔɔlɛi mí kpakpala ndu. Kabi kandɔɔ o cuaambɔyɛi nii nin háá hau, i di vɔ cɔlu vílɛ́i te kon te cɔlu visi yondoo sɛɛsiaa-o le. Nduyɛ visii nɔɔlɛi súú-súù luei-yɔ ya o sondo le dɛ!»

Tɔŋ lasálàá 12:1

Mí Mɛlɛka soaa o Moise lo, mó dimul ndu aa:

Tɔŋ lasálàá 11:20

La dia vɛlɛ kambalaa pɔmbɔa nɔ bɔɔlan a kpasan-nda le. La cɔ nda maa ɲaa nɔɔlɛiya nda co le niaa ni.

Tɔŋ miingua 14:10

Kɛ la dia a nɔ lapɛɛpɛɛ a lakɛkɛw le-a le. La cɔ nda maa a nɔɔlɛiya nda co ni.

Tɔŋ miingua 14:3

Lelan, la dia ɲɛ-ɲɛ nɔɔlɛi le.

Tɔŋ lasálàá 22:4

O polale Aarɔn-nden coo, te nàà siaŋaa bii pɛ vanndo, te kon te mì nàà kɔɔsinaa bii ndu, vana kon bɛnda mò de sálàla diandaalan te, fɔ mò dindin fɔlɔn. Lende koni o co vɛlɛ le vana pilan vana sɔɔnguu vana vílɛ́iyo ikɛi mo siŋnun vana nɔɔlɛiyo-o a vana mɛmma ivanapɔnɔyan ma fula-o ni.

Tɔŋ lasálàá 18:29

Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.

Tɔŋ lasálàá 17:14

Kani yoomu ɲɛ yoomaa, o kooma ndɔan nin o co ni. Mɛɛ le kɔlɔɔ ho ya dimul niaa Israɛlla ni maa la dia kooma ɲɛ yoomaa le, kani koovan ma co yoomu ɲaa yoomaa kpow ni. Vana-vana de pɛ man, a faŋa ndu Israɛlla tɛɛn few-few.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 7:27

Vana-vana de pɛ koovan, a faŋanin vana kon Israɛlla tɛɛn few-few.›»

Tɔŋ lasálàá 7:25

Vana-vana de pɛ cuɛima cɔlu nda yɔngu le ndu lomɔɔ o yin le ya Mɛlɛka-o, a faŋanin vana kon Israɛlla tɛɛn few-few.

Tɔŋ lasálàá 7:20

Kɛ te vanndo va pɛ o nɔɔlɛiyo mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.

Fulaa 12:19

O palɛi ŋɔmmɛvii ken bɛngu, lɛvɛnndo bɛnda mò va niaa o laba cɛilan nin te. Te vanndo de pɛ ɲɛdiaa toosian a lɛvɛnndo-o o palɛi ken bɛngu, o va mial, o va Israɛlnɔ pilaciee, o bɛnda mò faŋan Israɛlla tɛɛn few-few.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

O Kandɔɔ 17:14

Vana dii tooma kon te, a faŋa ndu vanaa ndɔa tɛɛn, le tùú o kɛɛ tɔɔmasele kpema nuu cɛlɔɔ-o.»

Tɔŋ lasálàá 7:22

Mí Mɛlɛka soaa o Moise lo, mó dimul ndu aa:

Tɔŋ lasálàá 22:3

Dimul nda aa: ‹Háá le fɛɛn a fɛɛn, o polale vanaa-solia-lasálàá coo, te vanndo va pɛ o nɔɔlɛiyo Mɛlɛka o hɔl, mò sɔɔnguu o ɲɛm dian diandan Israɛlla co ya Mɛlɛka sálàla diandaalan solullo-on ikɛi, vana kon bɛnda mò faŋan o baala nuu nin, mò faŋan ya o hɔl. Ya co Mɛlɛka ni.

Kundalan 19:22

Ɲɛ-ɲɛ vana co o nɔɔlɛiyo-o pilan pɛ, ɲɛ kon bɛɛ siŋnun o nɔɔlɛiyo. Vana-vana pilan pɛ ɲɛ kon, vana kon lo o nɔɔlɛiyo háá icɔllo.»

1Samiɛl 20:26

Saul dimi ɲɛ-ɲɛ paale len te, kani mó dimin o kɔl aa: «O co dɛnɛ ndɔ le, o kɛɛ hunɔɔ fúú le, o dindu le. Lekɛ́ndɛi, o co o diandaa le.»

Tɔŋ lasálàá 19:8

Vana de mun pɛ, mɛɛ o del kasi, o nɔɔliaa ɲɛ solin sálà le ya Mɛlɛka-o. Lelan, a faŋannin ndu Israɛlla tɛɛn few-few.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 23:29

Vana-vana kɛɛ pɛ ɲinkon le sumndo biyɔɔ, à bɛnda mà faŋa ndu Israɛlla tɛɛn few-few.

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?