Tɔŋ lasálàá 7:20 - BII BILA

²⁰ Kɛ te vanndo va pɛ o nɔɔlɛiyo mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.

Tɔŋ lasálàá 7:20 Referans Kwoze

1Korɛntea 11:28

Lelan, vana-vana yaasiaa fɔlɔn kɔl ndɔɔ, malan o dia buloo ho, mò kol o taala kólaa ho nin,

O Kandɔɔ 17:14

Vana dii tooma kon te, a faŋa ndu vanaa ndɔa tɛɛn, le tùú o kɛɛ tɔɔmasele kpema nuu cɛlɔɔ-o.»

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»

Tɔŋ lasálàá 7:19

Te visin mun pilan pɛ ɲɛ co o nɔɔlɛiyo-o, vana di lɛ mun te, n bɛnda mì n lomnun o yin. Kɛ vana-vana co o diandaa, ndu nɔla mo de visin tɔ̀un.

Tɔŋ lasálàá 7:25

Vana-vana de pɛ cuɛima cɔlu nda yɔngu le ndu lomɔɔ o yin le ya Mɛlɛka-o, a faŋanin vana kon Israɛlla tɛɛn few-few.

Kundalan 19:13

Te vanndo pilan pɛ vana vílɛ́iyo, mò saalan le dindinndo le, mɛɛ vana kon nɔɔliaa Calta Mɛlɛka lan. Lelan, a bɛnda ma faŋa ndu Israɛlla tɛɛn, kani le tùú mɛmma dindianndan ma hulun ndu coo loo, nɔɔla ndɔɔ co vɔ ndu coo.

1Samiɛl 20:26

Saul dimi ɲɛ-ɲɛ paale len te, kani mó dimin o kɔl aa: «O co dɛnɛ ndɔ le, o kɛɛ hunɔɔ fúú le, o dindu le. Lekɛ́ndɛi, o co o diandaa le.»

Fulaa 30:38

Vana-vana toosiaa súú kon pɛ le cun ndɔ kɛndɔɔ tueyɔɔ yeela, a soli vana kon Israɛlla tɛɛn po.»

Tɔŋ lasálàá 7:27

Vana-vana de pɛ koovan, a faŋanin vana kon Israɛlla tɛɛn few-few.›»

Tɔŋ lasálàá 18:29

Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.

Tɔŋ lasálàá 19:8

Vana de mun pɛ, mɛɛ o del kasi, o nɔɔliaa ɲɛ solin sálà le ya Mɛlɛka-o. Lelan, a faŋannin ndu Israɛlla tɛɛn few-few.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 23:29

Vana-vana kɛɛ pɛ ɲinkon le sumndo biyɔɔ, à bɛnda mà faŋa ndu Israɛlla tɛɛn few-few.

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?