Tɔŋ lasálàá 7:18 - BII BILA

¹⁸ Te vanndo de pɛ visin cɔlu o yɔngu le sálà kɔlɲulu ndɔɔ-on o paale yàándɔlen coo, Mɛlɛka cɛlnin sálà kon te, o siŋnunnin fúú le vana solinin ndu-o, kani dɛnɛ nɔɔlɛiyo co kon ni. Lelan, sanga haki vana kon vanin ndu pila o lebol.

Tɔŋ lasálàá 7:18 Referans Kwoze

Kundalan 18:27

Sálà niaa solinin kon-ndo vanin maa sálà ɲɛm vaa nda faŋa o kullon coo o kpele lɔaa n'mallo coo-o a o nda faŋa o mɔima sɛnɛima nda co bɛɛndiaa-an coo-o.

Tɔŋ lasálàá 22:25

La bíì mialaa co niaa tɛɛn-nda cɔlua vaa lende o ba le nda sálàá solio o ya Mɛlɛka lo le. Kani bosi nda tɛnda nda kon-ndo co macoaa maa namtalen nda mal nda ni. Lelan, i cɛl cɔlua vaa lende niaa o ba le few.›»

Tɔŋ lasálàá 11:41

La cɔ ɲaa huulaa pɔmbɔa a visia pɔmbɔa sasun lɛŋ-nda kpede maa ɲaa nɔɔlɛiya nda co ni, la dia nda le.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Malasi 1:13

Mí la va dimio aa: ‹Sanga kuɛɛ!› La nɔ lebɛɛ oo lebɛɛ le ya le. Ya Mɛlɛka-Nɔ-Kpaayaa-Kpow-vo dimi lende ni. La co ya sálàlan solullo a cɔlua niaa ciimbuu-a a á cɔlua namtaa, lɔ́ɔ́ lepum yɛ á cɔluaa co a nààlan-nda. Vɛ̀ɛ̀ ya cɛl-lɛ niaa sálà vaa lende o ba? Ya Mɛlɛka ɲuna niaa nuaa ni.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Amɔs 5:22

La solul-la nin bɛɛ sálàla loamaalan, la cuunin ya bɛɛ sálàla kpeyanndan, i cɛl-lɛnin ndan te, i yeema lɛ mì ce cɔlua celulaa niaa co kan diyɔɔ le ya sálàla kɔlɲululan solullo-a le.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Esekiɛl 18:20

Vana co hakio tosaa-o, vana kon vunin ni. Poo bɛnda mò sɔla sangaa le haki fuɲa ndɔ tosa-o le. Dɛnɛ sandaa vana sandaa tosa-o lonin vana sandaa kon coo, mì dɛnɛ kɔlvesɛi vana kɔlvesɛiyo tosa-o lo vana kɔlvesɛi kon coo.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Esai 65:4

Vannda ha co icali o sɛilan nin, mà va lɔan o buululan nin, a co visin pewvon dioo, a nɔ ɲɛm dian nɔɔlɛiyon o ɲɛm-laandun ndan nin,

Tɔŋ lasálàá 22:23

Te cɔloo nɔ pɛ pelii vilɛiye mì ndi hiow pelun tɔ̀un, la tiwba mì la soli ndu sálà niaa pila kelu o kɔl niaa nin a yeemɛi-yo, kɛ kon bɛnda le yoole niaa baa o Mɛlɛka lo len timbio le.

Tɔŋ lasálàá 22:16

Kani te a de pɛ ɲɛm mun telen nda bɛnda le mun dio loo, mɛɛ a del kasi bɛndu-bɛndoo. Ya co Mɛlɛka ni, ya hɛli nda mí dindi nda le baala nuu ni.›»

Tɔŋ lasálàá 20:19

A bɛnda ma tosa kpelemɔɔsaa a pɔmbɔɔ kala nɔm, te kon te bɛndoo kala nɔm te. A bɛnda vɛlɛ ma tosa kpelemɔɔsaa a yemaa fuɲa nɔm te. Kani vanayɛi nɔmnde bɛ̀ɛ̀lan tɛɛmbuuo co kon ni. Lelan vanaa tosa pɛ dɛnɛ vaa lende, mɛɛ sanga-sanga nda sɔla pɛ, nda pila nuwviaa ni.

Tɔŋ lasálàá 20:17

Te vanndo cua pɛ yema ndɔ fuɲa pilɔɔ, te kon te yema ndɔ nde pilɔɔ o nɔ̀u nin, mò tosa kpelemɔsaa a ndu, mɛɛ a tosa bɔɔ mààla bɛndu. A sɔlanin sala ndaa vannda kpow o hɔl. Vanapɔnɔ suunda kon a yema ndɔ fuɲa pilɔɔ, te kon te yema ndɔ nde pilɔɔ-o, ndu yɔŋnun sabu le mààla lan tosaa ni.

Tɔŋ lasálàá 17:16

Te o too volɔɔla ndɔla cuɛinanndan mò pulun te, mɛɛ o del kasi.›»

Tɔŋ lasálàá 10:19

Mí Aarɔn mulul Moise aa: «Yaŋnun-ndɔ, paalen-nden hau, poaa niaa soli sálà co le hakio sɔlaa malɔɔ-o a sálà loamaa o Mɛlɛka lo le nda pila, nduyɛ nɔm pila sina ɲɛ yɔŋnun ya-o, te yáà de pɛ visin cɔlu sálà co le hakio sɔlaa malɔɔ-o, ndóò vanin pá dɛnɛ kɛndɛ Mɛlɛka o hɔl?»

Tɔŋ lasálàá 10:17

«Le yɛɛ nɛ la di visin cɔloo ho nɛɛ diandaa le? Ɲɛmahilu diandaa pila visin mun co ni. Nduyɛ Mɛlɛka yɔngu niaa cɔlu kon haliko mi la faŋa yɔŋ vɔɔn Israɛlla kpow, mì la tosa faleŋii baŋannde Mɛlɛka o hɔl le nda, mà sɔla hakio malɔɔ.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Tɔŋ lasálàá 7:19

Te visin mun pilan pɛ ɲɛ co o nɔɔlɛiyo-o, vana di lɛ mun te, n bɛnda mì n lomnun o yin. Kɛ vana-vana co o diandaa, ndu nɔla mo de visin tɔ̀un.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Tɔŋ lasálàá 19:5

Te la va pɛ ya Mɛlɛka sálà kɔlɲuloo solullo, la soli ndu mɛɛ o bɛnda le tosaa yɛ, haliko mi cɛl ndu.