Tɔŋ lasálàá 7:17 - BII BILA

¹⁷ Kɛ te vision pum lo vɛlɛ pɛ háá paale yàándɔlen, a bɛnda mà lom mun o yin.

Tɔŋ lasálàá 7:17 Referans Kwoze

Fulaa 12:10

À manda ɲɛ-ɲɛ le diimandɔɔ le. Te ɲɛ lɔl pɛ kuya, a pena ndu lomɔɔ idiiyo.

1Korɛntea 15:4

Má kumbu ndu, o paale yàándɔlen coo, mó tendul maa mɛɛ o sɛvan yɛ.

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Tɔŋ lasálàá 19:7

Te vanndo de nin pɛ mun o paale yàándɔlen, mɛɛ visin tumulɛiyon o de mun ni, ya Mɛlɛka, i cɛl dɛnɛ kon te.

Tɔŋ lasálàá 10:16

Mí Moise nuwviaa cuin toovi yɔngun le sálà va le hakio sɔlaa malɔɔ-o solio-o, má dimul ndu maa a cii ndu nin lomɔɔ mó ŋɔa kpúlúká. Mɛɛ o tuei lende, mó tuulu kɔl a poaa ŋiɔŋaa Aarɔn-nda, a lo yoomu-a, Eleasar nda Itamar pɛɛn. Mó ɲuna nda aa:

Fulaa 29:14

Kɛ ma lom visin bɛɛŋun cɔlu kon, yáw ndɔɔ a poola ndɔlan o dɔ́ɔ́ngɔ́ɔ̀ kɔɔli. Sálàá le hakio sɔlaa malɔɔ co kon ni.

Fulaa 19:11

A va a bɛɛndiannda le diɛŋ, kani i toalnin ɲinkon o pembei Sinai coo nda kpow o hɔl.

O Kandɔɔ 22:4

Paale yàándɔlen, mí Abraham heelu hɔlla, mó ca fonda Hala cɔm ndu kon-ndo lándán.

Fulaa 29:34

Te visin cɔlu sálà kandaa baala kon a buloo lo pɛ o tɔ̀ háá diimandɔɔ, a lom ɲɛm lo mun-ndon o yin. Vana bɛnda lɛ ma de kuya kon te, kani ɲɛ diandaa o co Mɛlɛka o hɔl ni.

Tɔŋ lasálàá 19:6

La nɔla mì la de visin cɔlu nda soli sálàá-on paale sálà kon fulanin-nden a diimandɔɔ. Kɛ te vision lo pɛ kuya háá o paale yàándɔlen, la bɛnda mì la lom mun kpúlúká o yin.