Tɔŋ lasálàá 7:16 - BII BILA

¹⁶ Te vanndo soli pɛ sálà kɔlɲuloo le yoole o baa o Mɛlɛka lo len timbio, te kon te mò soli sálàá a yeemɛi ndɔɛi ndu pila-e, vana nɔla ma de sálà kon paale o fulanin nden, mì ɲɛ tɔ̀ lonin-ndo dennun vɛlɛ diimandɔɔ.

Tɔŋ lasálàá 7:16 Referans Kwoze

Tɔŋ miingua 12:6

O fonda kon niaa vanin kɔlan a sálàla loamaala niaalan a á sálàla niaalan tɔ̀lan kpow ni. Lon niaa vanin kɔlan a o-tɔ́ndɔla niaalan a á cuungiaala niaala niaa vanin solio o valta niaalan nin-ndan ni. Lon koni niaa vanin kɔlan a ɲɛm niaa baa yoolen o Mɛlɛka-on le yoole len timbio ni, lon niaa vanin vɛlɛ ɲɛm niaa vanin yɔngoo a yeemɛi niɛi-yon a cɔlua piaandua tasea cɔlua niaa vanin komɔɔ-a kpow yɔɔ ni.

Esekiɛl 46:12

Te simlacinɔ kon solul pɛ Mɛlɛka sálà loamaa o kelu o kɔl ndɔɔ nin a yeemɛi ndɔɛi-yo, te kon te o solul pɛ ndu sálà kɔlɲulu o kelu le solio a yeemɛi ndɔɛi-yo, a bɛnda ma kumbil ndu dio bɛndu muli hɔlla a kpengii paalen le can-nde-o, haliko (mo luɛi) mo soli sálà loamaa ndɔɔ a sálà kɔlɲulu ndɔɔ mɛɛ o dema tosa o paale pɛngiaalen coo yɛ. O cii pɛ lan soli lende, o fula, a koma mingi dio bɛndu kon kinda kpáŋ telen o fulanin-ndo.

Condii lisai 116:18

I peelunin ciɛ́ɔn ya cua a nɔm-ndon vannda kpow o hɔl

Condii lisai 116:14

I peelunin ciɛ́ɔn ya cua o Mɛlɛka lo-on vanaa ndɔa kpow o hɔl.

Condii lisai 66:13

I kɔanin a sálàla loamaalan o nɔm ndo cɛinin, mì peelu ciɛ́ɔn ya cua-on,

Tɔŋ miingua 12:26

Kɛ la bɛnda mì la cua cɔlua niaa tuu le sálàá solio-a, a co cɔlua niaa kpeekpeiya-a, a cɔlua niaa baa yoolen o Mɛlɛka lo le ndu yɔngoo-a, mì la hin a nda o fonda Mɛlɛka hɛlinin-ndo.

Tɔŋ miingua 12:17

Kɛ nduyɛ, la bɛnda mì la de o-tɔ́ndɔ niaa vanin solio o malun niaa nin, o mɔima niaama sɛnɛiyan nin a o cuɛima niaan nin-ndo o kobila niaalan nin te. Ɲɛm niaa bɛnda vɛlɛ mi la de o kobila niaalan nin te-on co mun ni: cɔlua piaandua tasea cɔlua niaa vanin komɔɔ-a, ɲɛm niaa baanin yoolen o Mɛlɛka lo le ndu mun yɔngoo-on, ɲɛm niaa tuunin le yɔngoo a yeemɛi-yon a ɲɛm niaa vanin faŋaa o kɔmnde valta niaalan coo le Mɛlɛka yɔngoo-on.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Tɔŋ lasálàá 23:38

La bɛnda mì la solul-la sálàla lan, lan la cɔɔlun o sálàla niaa solul-la o paale pɛngiaalen coo lan, o ɲɛm ikɛndɔn, o sálàla niaa bàá yoolen o Mɛlɛka lo lan a o sálàla niaa solul Mɛlɛka a yeemɛi niɛi lan coo ni.

Tɔŋ lasálàá 22:29

Te la va pɛ ya Mɛlɛka sálà malaa balikaa solullo, la soli ndu mɛɛ hɛnan nuu co yɛ, haliko mi cɛl ndu.

Tɔŋ lasálàá 22:23

Te cɔloo nɔ pɛ pelii vilɛiye mì ndi hiow pelun tɔ̀un, la tiwba mì la soli ndu sálà niaa pila kelu o kɔl niaa nin a yeemɛi-yo, kɛ kon bɛnda le yoole niaa baa o Mɛlɛka lo len timbio le.

Fulaa 35:29

Mí Israɛlla kpow, vanpiaandua a vanlaandua, á kelu o kɔlta ndalan nin le hunɔɔ a ɲɛ le baala Mɛlɛka dimul Moise le tosaa-o tosaa-a hun a cuungiaala ndalan a yeemɛi ndɛi o Mɛlɛka lo.

Talelan 7:14

‹Yáà baa yoolen o Hala lo le sálàla kɔlɲululan solio. Hau ya soli sálàla lan ni mí timbi yoole len.