Tɔŋ lasálàá 7:13 - BII BILA

¹³ Mò yɔngu vɛlɛ sálà ɲɛm vaa a dɛɛ toaŋaa nda toosiaa a lɛvɛnndo-o. O kon, a soli ndu a sálà kɔlɲuloo latulu a balikaa malɔɔ.

Tɔŋ lasálàá 7:13 Referans Kwoze

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Tɔŋ lasálàá 23:17

La va pɛ cɔnɔnndo o laniaa lo, la hin a bululan latiɔn-tiɔn le ya sálà heelunnin coo ya o hɔl-lo solullo. La bɛnda mì la toosiaa buloo a kpeyanndo kiloo leyàá, mì la vow lɛvɛnndo lecoo, mì la lom. La bɛnda mì la toosial-la bulu kon a ɲɛm tasen niaa koawnin-ndon.

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

Matie 13:33

Mí Yeesu dimul nda vɛlɛ tale celen aa: «Masale halataala len le co ko vɛlɛ kpen a lɛvɛnndo, o vanalanɔɔ pum cua mó vow o kpeyan kilo leyáá-o nin-ndo. Mí lɛvɛn kon tosa mí kpeyan kon kpow hindu hindɔɔ pila.»

Tɔŋ lasálàá 2:12

Te o va pɛ ɲɛm tasen fula o vaala niaalan a o baalala niaalan nin-ndon, la nɔla mì la hin a mun o ya Mɛlɛka lo, kɛ vana lum mun o fonda-loamaa-lasálàá coo maa sálàla cuɛima cun kɛndɛlan te.

Tɔŋ lasálàá 23:18

O sálà niaa solinin kon a buloo-o kɔɔli, la bɛnda vɛlɛ mì la solul-la sálà loamaa a saa téndéa nɔ vɔsio pilɛ-a nda ŋɔmmɛw, a bɛnda mà nɔ lenamta le, a naw tovaa o pilɛ a á saa kóndóa nda ŋiɔn. O kon kɔɔli, mì la hin vɛlɛ a sálà kpeyanndo a á sálà mamɔi tìw a kon-ndo. Sálàla nda lum ya Mɛlɛka, mì ɲɔɔ hɛnan ya lan la co lan ni.

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»