Tɔŋ lasálàá 7:12 - BII BILA

¹² te vanndo soli pɛ sálà vaa lende a ya Mɛlɛka balikaa mello latulu, o bɛnda mò hin a dɛɛ toaŋaa nda vɔɔca kpeyan ndɔɔ o cuɛiyan nin-ndo, kɛ a bɛnda ma vow lɛvɛnndo lenin te, a fùlúfúlù nda muulian toosiaa a cuɛiyan-ndo, a kpeyan nda toŋ dɛɛ ndɔɔ o kpɛɛnɛi nin-ndo.

Tɔŋ lasálàá 7:12 Referans Kwoze

Kundalan 6:15

Mò hin vɛlɛ a kambɛi bulu toosian a lɛvɛn too co nin-ndo, bulu nda lom a kpeyan nda vɔɔca o cuɛiyan nin-ndo, a fùlúfúlù nda linda a cuɛiyan-ndo, a sálàla kpeyanndan a á sálàla mamɔila co le dɛnɛ kon-ndan.

Tɔŋ lasálàá 2:4

Te vanndo va pɛ sálàá solio a ɲɛ o tuɛi nɛɛ loamaa bulua-o, o bɛnda mò yɔngu dɛɛ toaŋaa o toosiaa a kpeyanndo-o, kɛ o bɛnda mò vow lɛvɛnndo telen o co va dɛɛ kon toosiaa-o le. O bɛnda mò vɔɔca ndu o cuɛiyan nin, te kon te mò yɔngu dɛɛ toaŋaa toosian a lɛvɛn too, mó vow cuɛiyan lecoo.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Luke 17:18

A tɔ̀a kpede, vana-vana hin mò hun mel Hala balika le, fɔ miallo ho!»

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.

Condii lisai 107:8

La mel Mɛlɛka balika le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Yeremi 33:11

yoondiaala kɔlkɛndɛlan, a kponyolan, vana hun tuɛinin vɛlɛ condun vanaa co nɔlan kilaa sɛnɛi-ya a vanaa vanin hunɔɔ a sálàla malaa balikalan o Cɛi-Hala-o nin-nda. A vanin dimio aa: La biilu Mɛlɛka-Nɔ-Kpaayaa-Kpow-vo, kani Mɛlɛka naŋ, ɲíí ndɔɛi co le lɔ́ɔ́-lɔ́ɔ̀!› A toɲa, i minginin lɛŋnden nden mɛɛ le va o tasendɔ yɛ, diom Mɛlɛka dimi-o co kon ni.»

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

Nehemi 12:43

Paale len, má soli sálàlan taw, kani mí Hala pei vanaa ndɔa kɔl ɲaale bɛndoo nin ca. Vanlaandua a cuaambɔa bɛɛ a va a kɔlkɛndɔɔ taw Yerusalɛm, mí vɔkɔ-vɔkɔ ndaa va tueinɔnndo levil-vil.»

2Dɛnnda lemasalan 33:16

Mó mingi fonda-loamaa-lasálà Mɛlɛka-o tangul, mó soli sálàla kɔlɲululan a sálàla malaa balika lan. O kon, mó dimul Yudaa le Mɛlɛka, Hala Israɛlla baalaa tosallo.

2Dɛnnda lemasalan 29:31

Mí masaa Esekia cua vɛlɛ sɔɛi, mó dimi aa: «Sisa, mɛɛ niaa cii Mɛlɛka yɔngɔn nuaa yɛ, la sɔɔnguu niko mì la soli cɔlua sálà, mì la solul ndu sálàla kɔlɲululan o Cɛi-Mɛlɛka-o nin.» O kon, mí vannda hun a cɔlua sálàá, má soli sálàla kɔlɲululan. Mí vanaa ndáà nɔ kɔl ikɛndɔɔ-a a soli sálàla loamaalan.

Tɔŋ lasálàá 22:29

Te la va pɛ ya Mɛlɛka sálà malaa balikaa solullo, la soli ndu mɛɛ hɛnan nuu co yɛ, haliko mi cɛl ndu.

Tɔŋ lasálàá 7:15

Visin cɔlu nda soli sálà kɔlɲulu kon le Mɛlɛka balikaa mello-on bɛnda mì n dennun paale sálà kon fulanin nden kpow, ɲɛ-ɲɛ bɛnda mò mandan le diimandɔɔ le.

Tɔŋ lasálàá 6:16

Kani vana-solia-lasálàá yɔngu pɛ ɲɛm vaan le sálàá solio, sálà kon bɛnda mò dennun te, o bɛnda mò ŋɔɛ kpow o yin.»

Tɔŋ lasálàá 2:5

Te vanndo soli pɛ sálàá a kulun o toŋ o kpɛɛnɛi tɛsɛkɛi nin-ndon, o bɛnda mò cua kpeyan vɔɔcan a cuɛiyan-ndo, kɛ o bɛnda mò vow lɛvɛnndo lenin te,

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.