Tɔŋ lasálàá 6:7 - BII BILA

⁷ «Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.

Tɔŋ lasálàá 6:7 Referans Kwoze

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Matie 12:31

Lelan i co niaa dimul, haki oo haki vanacieo tosa, te kon te diomnde vɔɔnnde oo diomnde vɔɔnnde o dimi, o malnun haki le ken. Kɛ o dimi pɛ sɔɛi tanɛi a Hala Kɔl-Diandaa, ken melnun haki le.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Esekiɛl 33:19

Te vana kɔlvesɛiyo mal pɛ kɔlvesɛi ndɔɔ, mò tosa dɛnɛ sandaa a sakpoyɛi, o lonin yoomu le ken.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Tɔŋ lasálàá 5:18

O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.

Tɔŋ lasálàá 5:13

Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»

Tɔŋ lasálàá 5:10

O cii pɛ kon, o soli sálà loamaa a yowvo pilɔɔ, o tosa a ndu mɛɛ faleŋun sálà loamaa n co yɛ. Lende vana-solia-lasálàá bɛnda ni mo tosa vana tɛɛmbuu tɔŋndo-o faleŋii baŋannde coo le haki o tosa-o. O kon Mɛlɛka mal ndu haki.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Tɔŋ lasálàá 6:8

Mì vana-solia-lasálàá faŋa kpeyanndo baa ca, cuɛiyan a ansan kpow, o nda handu o sálà ɲɛm vaa coo-o pɛɛn, mà lom ndu kpúlúká o fonda-loamaa-lasálàá coo, mò fula cun kɛndɔɔ le loonɔnndo a Mɛlɛka o kɔɔ.

Tɔŋ lasálàá 7:2

À bɛnda mà kelu cɔlu yɔngun le sálà bɛɛndiaa isɔɔ solio-o bololan nɛɛ nda kialu cɔlua sálà loamaa bololan-nda, mà balu kooma ndɔan taaliaa o fonda-loamaa-lasálàá pindo.

Tɔŋ lasálàá 2:1

«Te vanndo va pɛ hunɔɔ o Mɛlɛka lo a ɲɛm vaan le ndu sálàá solullo, o bɛnda mò cua kpeyanndo, mò dɔw cuɛima olivean lecoo, mò handu vɛlɛ ansan lecoo.