Tɔŋ lasálàá 6:5 - BII BILA

⁵ Fɔ mì yinnden le va biyɔɔ o fonda-loamaa-lasálàá coo tuŋ, le bɛnda mì le ɲum te, vana-solia-lasálàá bɛnda mò va yɔmnde vowvo o yin idii oo idii, mò handu sálà loamaa lecoo telen pá mo lom visin macuɛin cɔlua co le sálà kɔlɲuloo-a lecoo.

Tɔŋ lasálàá 6:5 Referans Kwoze

Tɔŋ lasálàá 5:16

O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

2Samiɛl 12:6

O bɛnda mò yɔngu saa nda hiɔɔlu le saa pilɛ kon salaa. Kani o tosa dɛnɛ iɲíí le.»

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

Fulaa 22:9

Te vanndo yɔngu pɛ vanndo sofɛlɔɔ, nawvo, saa, te kon te cɔlu súú-súù congɔɔ, te cɔlu kon vi pɛ, te kon te mò yem pelei, te kon te mì vuiya hun del o tàndà kon coo, mà ciimbuu cɔlu kon, te sei ve ikɛi le,

Esai 58:9

O kon, telen niaa veelunin-ndo, ya Mɛlɛka mululnin niaa. Te la hun yonda pɛ, i diminin aa: «Yoo! I co nanu!» Te la pɛngi pɛ vannda volɔɔla lusulaalan handɔɔ o lebol, te la mal pɛ dɛnnda kɔngɔlanndan, a tombola tɛɛmbuu vana kɔllo-o,

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Fulaa 22:7

Taa bii vui kon te, vana ɲɛ kon lo o ba-o sim Hala o hɔl le sinaa te o co ndu le co ɲɛ pilaa dioo a lakafa le.

Fulaa 22:4

Te vanndo yɛɛ pɛ cɔlua ndɔa o ciɛi pílɛi nin, te kon te o nakɔ n'rɛsɛn pilaa nin, mà kɔ dio tɔlɔɔ co lon-ndo, o bɛnda mò salal vana ɲɔɔ ɲɛm kɛndɛ-kɛndɛn o koawnin o ciɛi ndɔɛi nin-ndon, te kon te tɔlɔɔ kɛndɛ-kɛndɛ o kiandunin o nakɔ n'rɛsɛn ndɔɔ nin-ndo sɔ̀ngɔ́ cɔlua ndɔa de o pílaa-o.

Fulaa 22:1

«Taa bii pɛ vuiyo o cɛi pilaa bulio le luɛyɔɔ vuilen, mà lɔɔ ndu mò vi, vana lɔɔ ndu mó vu-o bɛnda mò sɔla isɔɔ le.

Esekiɛl 33:15

Te vana kɔlvesɛi kon mingi pɛ landii pilɛi ndóò bii le kueo-ve, te o mingi pɛ ɲɛm ndóò hɛlu a kafalan-ndon, mò bii silala tosa mí vana viow yoomu lan, mò tosa lɛ dɛnɛ vɔɔn te, mɛɛ o baŋa yoomu ndɔɔ, o vi lɛnin le ken te.

Fulaa 30:7

O fonda-loamaa-lasálà kon coo Aarɔn vanin ansan lomɔɔ telen o vanin fitinalan vɔɔsuuo idii oo idii o cɛi-kola-toandaa diandaa nin-ndo ni.

Nehemi 10:35

Mí naa vanaa-solia-lasálàá, leviia a vanaa tɔ̀a n mal siondei le telennda yungula naala yɛ́-yɛ́lan la bɛnda le hunɔɔ iyɔmnde o Cɛi-Hala naa nin-ndan piɔvanndo maa mɛɛ o co o sɛvaa o tɔŋndo nin yɛ. O bɛnda mì n yɔngu yɔmnde vɔsi oo vɔsi le sálàlan lomɔɔ o fonda-loamaa-lasálà Mɛlɛka Hala naa coo mɛɛ o co o sɛvaa o tɔŋndo nin yɛ.