Tɔŋ lasálàá 6:4 - BII BILA

⁴ Kon cuu pɛ, o soli volɔɔla co ndu lekɔɔ lan, o vownun volɔɔla súú celen, o soli pultan o dɔ́ɔ́ngɔ́ɔ̀ kɔɔli, o kɔɛ a lan nɛɛ diandaa pum.

Tɔŋ lasálàá 6:4 Referans Kwoze

Sofoni 1:9

Paale len, i soaŋnin vanaa huulu o kèédei coo-a kpow, a pei cɛila vanaa ndaa bɛndua a bolofaa yɔŋ vɔɔndo a á ɲɛ-sɔlaa delɔɔcoo-a pɛɛn.

Misee 2:2

Yondolan lapum bɛɛ la hɛnan nda ni, a poonda. Cɛilan lapum bɛɛ nda fula hɔlten ni, a hɛlu. Delɔɔ nda del vanacieo coo a cɛi ndɔɔ kpow ni, ma de ndu a kɛ́ ndɔɔ kpede.

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Esekiɛl 18:18

Fuɲa ndɔ luei caanda mɔnɛi-yo, o yɔŋ vuilen mò ciimbuu ɲɛ puapilɛ ndɔɔ-o, o tosa ɲɛ bɛnda loo vanaa ndɔa tɛɛn-ndo, fuɲa ndɔ kon sɔlanin piɔ́mndo le hakila ndɔla ndu pila lan ni.»

Esekiɛl 18:12

mó saangiaa vanaa ikɔɔa a vanaa bala fondoa le nda tɔnɔɔ solio nda o n'dial, mó tosa vuilen, mó cɛl le ɲɛ nda lendul ndu o ba-o mingio le, mó muli hɔlla o piɔmnda mó tosa dɛnnda nɔɔlɛilan,

Esekiɛl 18:7

o saangiaa vana le tɔnɔ soli ndu o n'dial too, o mingul vana yow ɲɔɔ ndu o ba-o landii ndɔɛi-yo, o tosa levui loo, o yɔngu vana yiaan má co nɛiyo-o ɲɛdiaa ndɔɔ-o, o yɔngu vana fɛlio co-o ɲɛ cuɛinan ndɔɔ-o,

SƐBƐ YƆB-O 24:2

Vannda co pɛɛngula lelɛŋndan faŋaa o foofola ndɔlan, vanaa pum a co cɔlua ciimbua mandaa.

SƐBƐ YƆB-O 20:19

Kani o saangiaa vanaa bala fondoa, mó mal nda, mó hialu cɛila ndalan yɔŋii o tangul cɛi celen.

O Kandɔɔ 21:25

Mí Abraham tɛɛlun Abimelɛk le soon kólaa ndɔ buɛyaa Abimelɛk-a ndáà puu a paa-kala-o.

Tɔŋ lasálàá 24:18

Te vanndo dii pɛ cɔlu pilaa, o bɛnda mò sala cɔlu kiyɛiyo sɔngɔ cɔlu o dii-o.

Tɔŋ lasálàá 24:21

Lelan, vana dii pɛ cɔlu pilaa, o sala ndu, kɛ vana dii pɛ vanacieo, ndu bɛɛ a dii ndu.

Kundalan 5:7

Lelan, o bɛnda mò sɔlɔlan dɛnɛ vɔɔn o tosa-o, mò mingul vana o de kon ɲɛ ndɔɔ a sondo yeelaa-o ɲɛ kon kpow, mò tuu vɔngu ɲɛ kon, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo le ndu mingullo.

Esekiɛl 33:15

Te vana kɔlvesɛi kon mingi pɛ landii pilɛi ndóò bii le kueo-ve, te o mingi pɛ ɲɛm ndóò hɛlu a kafalan-ndon, mò bii silala tosa mí vana viow yoomu lan, mò tosa lɛ dɛnɛ vɔɔn te, mɛɛ o baŋa yoomu ndɔɔ, o vi lɛnin le ken te.

Malasi 1:13

Mí la va dimio aa: ‹Sanga kuɛɛ!› La nɔ lebɛɛ oo lebɛɛ le ya le. Ya Mɛlɛka-Nɔ-Kpaayaa-Kpow-vo dimi lende ni. La co ya sálàlan solullo a cɔlua niaa ciimbuu-a a á cɔlua namtaa, lɔ́ɔ́ lepum yɛ á cɔluaa co a nààlan-nda. Vɛ̀ɛ̀ ya cɛl-lɛ niaa sálà vaa lende o ba? Ya Mɛlɛka ɲuna niaa nuaa ni.

Tɔŋ lasálàá 4:12

kon co dimio ni aa naw kon kpow, o fula a ɲɛm mun o dɔ́ɔ́ngɔ́ɔ̀ kɔɔli, o kɔɛ a mun nɛɛ diandaa pum, nɛɛ nda hulu pultan-nda, o lom mun kpúlúká o kilion coo. Ó sál lapullo coo ɲɛm mun bɛnda le ŋɔu ni.

Nehemi 5:11

Lelan hau hauve he, la mingi nda ciɛɔn ndan, nakɔla n'rɛsɛnnda ndalan a cɛila ndalan o laba. La nuwviaa vɛlɛ tɔnɔ celen o ɲɛm niaa dɔnda nda-on coo le, o va n'voli, o va n'malu, o va mamɔi te kon te macuɛi.›

Esekiɛl 44:19

Kɛ telen nda vanin fulaa le kɔlan o bɛ́ɛ̀ co lekɔɔli-o nin-ndo vanaa tɔ̀a ikɛi-yo, a bɛnda mà soli volɔɔla nda vownun le sálàlan solio a lan lekɔɔ lan, má kɛsi lan o cɛila pɔmbɔla leninnda co o fonda diandaa nin-ndan nin, o kon ma vownun volɔɔla celen, yɔŋii nda tuisi kpaaya diondɔɔ Mɛlɛka-o vannda coo a volɔɔla solia lasálàla ndalan.