Tɔŋ lasálàá 6:3 - BII BILA

³ Mì vana-solia-lasálàá vownun doma ndɔ bɛndu toosian a kola keesoo-o, mò vownun vɛlɛ lɛmbɛla lebɛngula toosian a kola keesoo lan, mò faaŋiaa pulta cal o yinnde sálà loamaa o fonda-loamaa-lasálàá coo lan, mò dii lan o fonda kon ikɛi.

Tɔŋ lasálàá 6:3 Referans Kwoze

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Fulaa 23:4

Te la saalun pɛ naw luusian yaamɔɔ niaa o ba-o, te kon te sofɛlɛ ndɔ luusian ndu o ba-o, la cuu ndu ndu.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Talelan 24:28

Tɛndal vana niaa cal-lo seile lakafalen te. Vɛ̀ɛ̀ ma dimi còòlan?

Fulaa 28:42

Ma sondul nda vɛlɛ lɛmbɛla lebɛngulan a kola keesoo, mì la va bandei kandɔɔ o caŋnda háá o lɔlulan, yɔŋii nda va tumnda fondo.

Tɔŋ lasálàá 1:16

O faŋa kɔcɔ yow kon a bɔɔla ndɔlan, o viow lan nɛɛ nda hulu pulta macuɛilan-nda, a kpengii paalen le can-nde pɛɛn.

Tɔŋ lasálàá 16:4

O bɛnda vɛlɛ mo cuɛinun doma lebɛngu toosian a kola keesoo-o, mò vownun lɛmbɛla lebɛngula toosian a kola keesoo lan, mò yiinun yáwle toosian a kola keesoo len, mò vownun mɔsil toosian a kola keesoo-o. Mɛɛ volɔɔla lan la co ladiandaalan Mɛlɛka o hɔl-lɛ, o bɛnda fɔlɔn mò pulun malan o vownun ndan.

Esekiɛl 44:19

Kɛ telen nda vanin fulaa le kɔlan o bɛ́ɛ̀ co lekɔɔli-o nin-ndo vanaa tɔ̀a ikɛi-yo, a bɛnda mà soli volɔɔla nda vownun le sálàlan solio a lan lekɔɔ lan, má kɛsi lan o cɛila pɔmbɔla leninnda co o fonda diandaa nin-ndan nin, o kon ma vownun volɔɔla celen, yɔŋii nda tuisi kpaaya diondɔɔ Mɛlɛka-o vannda coo a volɔɔla solia lasálàla ndalan.