Tɔŋ lasálàá 6:23 - BII BILA

²³ Kɛ nduyɛ, taa luɛi nin pɛ a kooma cɔlu co le sálàá le hakio sɔlaa malɔɔ-o-an o cɛi-kola-toandaa-labɔɔŋianndo nin, mà tosa faleŋii malaa haki-e a man o Cɛi-Diandaa kon nin, vana bɛnda lɛ ma de visin cɔlu kon te, n bɛnda mì n ŋɔɛ kpúlúká o yin.›»

Tɔŋ lasálàá 6:23 Referans Kwoze

Tɔŋ lasálàá 2:10

Ɲɛ tɔ̀ lonin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Tɔŋ lasálàá 6:22

Vanpiaandua o yungula vanaa-solia-lasálàá nin kínɛí a bɛnda mà de visin mun ni. Kani ɲɛdiaa diandaa-diandaa co kon ni.

Tɔŋ lasálàá 4:5

Mì vana-solia-lasálà sɔla pɔlaa-o cua kooma cɔlu kon, mò luɛi a man o cɛi-kola-toandaa-labɔɔŋianndo nin,

Tɔŋ lasálàá 4:12

kon co dimio ni aa naw kon kpow, o fula a ɲɛm mun o dɔ́ɔ́ngɔ́ɔ̀ kɔɔli, o kɔɛ a mun nɛɛ diandaa pum, nɛɛ nda hulu pultan-nda, o lom mun kpúlúká o kilion coo. Ó sál lapullo coo ɲɛm mun bɛnda le ŋɔu ni.

Tɔŋ lasálàá 4:21

Ken cuu pɛ, o soli naw tova kon o dɔ́ɔ́ngɔ́ɔ̀ kɔɔli, à lom ndu o yinnden nin mɛɛ nda lom naw tova tasoo yɛ. Sálàá le haki vannda kpow malnɔnndo co kon ni.›

Tɔŋ lasálàá 16:27

Naw tovaa a cuin toovi nda yɔngu le sálàá solio le hakio sɔlaa malɔɔ-o-a, à Aarɔn kɔɛ a kooma ndan o Cɛi-Diandaa nin le faleŋii baŋannde tosaa-a, a bɛnda ma soli nda o dɔ́ɔ́ngɔ́ɔ̀ kɔɔli, mà lom yáwla ndalan, visin ndan a ɲɛm co nda o ladembe-on kpow o yinnden nin.