Tɔŋ lasálàá 6:22 - BII BILA

²² Vanpiaandua o yungula vanaa-solia-lasálàá nin kínɛí a bɛnda mà de visin mun ni. Kani ɲɛdiaa diandaa-diandaa co kon ni.

Tɔŋ lasálàá 6:22 Referans Kwoze

Hebreea 7:23

Hiyan celen co vɛlɛ: vanaa-solia-lasálàà tɔ̀a va sɛ́lɛ́ taw, kani piɔ́mndo ve nda cɛlɔɔ le vaa lɔ́ɔ́-lɔ́ɔ̀ o fonda kon te.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Tɔŋ miingua 10:6

Mí Israɛlla faŋan o soonnda kólaalan Beerɔt-Bene-Yaakan, má kɔa Mosera. Lon Aarɔn vi ni, má kumbu ndu vɛlɛ lon. Mí Eleasar po ndɔ cua fonda ndɔɔ, mó siŋnun bolle vanaa-solia-lasálàá.

Tɔŋ lasálàá 8:21

Mó tɔaa pulon a bɛngulan o mɛnndan nin, mó loam saa kóndó kon kpow o fonda-loamaa-lasálàá coo. Ndu yɔŋnun sálà loamaa cun kɛndɛ ŋɔɛ o yin le ya Mɛlɛka-o ni. Mí Moise tosa falenndon mɛɛ Mɛlɛka cɔm ndu yɛ kpafii.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Tɔŋ lasálàá 6:21

Te visin mun yawnun pɛ o kpɛɛnɛi puuluei nin, te yawvo cuu pɛ a pɛl kpɛɛnɛi ken. Taa yaw yɛ mun pɛ o kpɛɛnɛi nda cɔw a daɲan-nde nin, a bɛnda mà suusiaa ndi, mà tɔɔ ndi cɛ́kɛ́lɛ́ a mɛnndan taw.

Tɔŋ lasálàá 6:23

Kɛ nduyɛ, taa luɛi nin pɛ a kooma cɔlu co le sálàá le hakio sɔlaa malɔɔ-o-an o cɛi-kola-toandaa-labɔɔŋianndo nin, mà tosa faleŋii malaa haki-e a man o Cɛi-Diandaa kon nin, vana bɛnda lɛ ma de visin cɔlu kon te, n bɛnda mì n ŋɔɛ kpúlúká o yin.›»

Tɔŋ lasálàá 4:24

mò handu baa cuin kon o lebol, mò kelu ndu bololan Mɛlɛka o hɔl, o fonda nda kialu cɔlua co le sálà loamaa-a bololan-ndo. Sálà co le hakio sɔlaa malɔɔ-o co kon ni.

Tɔŋ lasálàá 6:10

A bɛnda mà toosiaa ndu a lɛvɛnndo le few, kani o sálàla kei o yinnden nin le ya Mɛlɛka lan nin, ɲɛ ya yɔngu nda-o co kon ni. Ɲɛ diandaa-diandaa co kon ni, maa ɲɛ nda sɔlà o sálàá co le hakio sɔlaa malɔɔ-o nin a o sálà bɛɛndiaa isɔɔ nin-ndo koni.

Tɔŋ lasálàá 6:11

Vanaa bɛnda mà de ɲɛ kon-nda co hɔ́aa piaandua o cuavaa Aarɔn-nda tɛɛn ni, o yɔngun niaa-o co kon ni. Silaa co hoo le niaa pila a le cuavaa niaa imamaa le fɛɛn a fɛɛn ni, nuaa niaa bɛnda le tosaa a sálàla ŋɔa o yin le ya Mɛlɛka lan ni. Mɛɛ o co o diandaa yɛ, vana-vana pilan ndu pɛ, ndu siŋnun teengen le Mɛlɛka.»

Osee 4:8

Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.