Tɔŋ lasálàá 6:20 - BII BILA

²⁰ Vana-vana pilan pɛ visin mun, ndu siŋnun teengen le Mɛlɛka, te kooma ndɔan ma vesulun pɛ o ɲɛ cuɛinanndo, à bɛnda mà tɔɔ ɲɛ cuɛinan kon nɛɛ diandaa pum.

Tɔŋ lasálàá 6:20 Referans Kwoze

Fulaa 29:2

a cua vɛlɛ bulu toosian a lɛvɛn too, dɛɛ toaŋaa vɔɔcan a lɛvɛn too, o vɔɔcan a cuɛiyan-ndo, fùlúfúlù lɛvɛn vownun nin too, o nda vɔɔca o cuɛiyan nin-ndo a kpeyan funguɲa n'mallo.

Fulaa 16:36

Fɔ mì vanáà tuu ɲɛ tuvaa ndáà tuu le sɔlaa litilio lehiɔɔlu-o tɔ́ malan ndóò pia ɲɛ tuvaa nda dema tuu-o ca.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Hebreea 5:1

Bolle vanaa-solia-lasálàà kɛ́-kɛ̀ hɛlin pɛ vanndacieea tɛɛn, baala ndɔɔ co le Hala ɲɔɔloo le vanndacieea kan ni. Mò va ɲɛm-kéan a sálàlan yɔngoo le hakilan.

Kundalan 28:10

Sálà loamaa paale pɛngiaa kon bɛnda mò cɔɔlu solin o sálà solin lepalaa-lepala-o coo a o sálà ndɔ mamɔiyo coo.»

Kundalan 28:3

Ma dimul nda aa sálàla niaa bɛnda le solio mì la lom ndan o yinnden nin le ya Mɛlɛka lan la co lan ni: lepalaa-lepala saa téndéa nɔ vɔsio pilɛ-a, a nɔ lenamta le-a a ŋiɔn. Le fɛɛn a fɛɛn, la bɛnda mì la va ya sálà kon solullo.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.

Tɔŋ lasálàá 5:1

«Te vanndo ce pɛ dɛnɔɔ pum o tosanndo, te kon te mò sina sɔɛi pum, mà veelu vannda le seilen tɛndaa a dɛnɛ kon o kɔɔ, kɛ mò kɛɛ le kɔlan seile len tɛndaa, mɛɛ hakio o tosa ni, sanga haki ndɔɔ vanin ndu pila o lebol.

Tɔŋ lasálàá 6:19

Vana-solia-lasálà tosanin faleŋun sálà kon-ndo nɔla mo de visin cɔlu kon. Kɛ te o va pɛ mun dioo, o de mun nɛɛ diandaa pum o bɛ́ɛ̀ cɛi-kola-toandaa-labɔɔŋianndo nin.

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Kundalan 4:16

Eleasar, po Aarɔn vana-solia-lasálàá yɛ, ndu nɔnin hɔlla o ɲɔɔn mun coo ni: cuɛima co le lomɔɔ o ɲɛ kɛsiaa lafitinaa nin-ndan, ansan, sálà kpeyan nda loam lepalaa-lepala-o a cuɛima co le pɔlaa-an. Ndu nɔnin hɔlla o Calta Mɛlɛka la lan coo a o ɲɛm co lenin-ndon kpow coo ni, kandɔɔ a ɲɛm ndɔn valin diandan, kɔ bii a ɲɛm ndɔn laandon kpow.»

1Dɛnnda lemasalan 23:29

bulu sálà ndáà kɛsi Mɛlɛka o hɔl-lo, kpeyanndo le sálàla ɲɛm-vaalan, dɛɛ toaŋaa toosian a lɛvɛn too, a dɛɛ tuɛyaa, a fùlúfúlùla muulianndan kpow. Ndáà tofa ɲɛla tuvaalan a lusulta ndalan kpow ni.

Tɔŋ lasálàá 6:11

Vanaa bɛnda mà de ɲɛ kon-nda co hɔ́aa piaandua o cuavaa Aarɔn-nda tɛɛn ni, o yɔngun niaa-o co kon ni. Silaa co hoo le niaa pila a le cuavaa niaa imamaa le fɛɛn a fɛɛn ni, nuaa niaa bɛnda le tosaa a sálàla ŋɔa o yin le ya Mɛlɛka lan ni. Mɛɛ o co o diandaa yɛ, vana-vana pilan ndu pɛ, ndu siŋnun teengen le Mɛlɛka.»