Tɔŋ lasálàá 6:2 - BII BILA

² «Yɔngu Aarɔn nda poaa ndɔa tɔŋndan ndan, ma dimul nda aa: ‹Nuaa nda bɛnda le sálà loamaa solio ni: sálà loamaa bɛnda mò lɔl ŋɔu pii o yinnden nin háá idiiyo o fonda-loamaa-lasálàá coo, mì yinnden le va biyɔɔ.

Tɔŋ lasálàá 6:2 Referans Kwoze

Kolɔsea 3:9

La dimulan còòlan te, kani la cii vanacieeyɛi niɛi paanduei malɔɔ a kaala ndɔlan,

Dɛnnda kiilaa 5:4

Nɔm óò tiwba mí nɔm óò manda yondo kon, te kon te, mɛɛ nɔm óò cii ndu pisi yɛ, mí nɔm óò manda volin mun. Kɛ le yɛɛ nɛ n tosa yɛ dɛnɛ vaa nuaa? O co vanaciee le n dimul còòlan te, kɛ Hala n dimul còòlan nuaa ni.»

Talelan 24:28

Tɛndal vana niaa cal-lo seile lakafalen te. Vɛ̀ɛ̀ ma dimi còòlan?

Tɔŋ lasálàá 19:11

La yɔ́ŋ levui le, la dímùl caanda lacòò mì la tosal nda lakafa le.

Tɔŋ lasálàá 5:15

«Te vanndo tosa pɛ haki kàlà-kálàá o sandii lepɛŋnde nin, mò kɛɛ le ɲɛm co le ya Mɛlɛka-on yɔngoo, o bɛnda mò yɔngu saa kóndó nɔ lenamta loo le haki o cua a ya Mɛlɛka-o, mà kelu ndu iyama o volin latámán nin mɛɛ volin latámán có dionnɔnndo o Cɛi-Diandaa nin-ndon co yɛ. Cɔlu kon vanin le sálà ɲɛ pilaa salaa ni.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Habakuk 1:13

A sandu bɔɔ le dɛnɛ vɔɔndo baa handɔɔ coo, a ci ndu ma mɛi ndu lon te few. Kɛ vɛ́ niko mà co yɔŋ vɔɔn vanaa vɔɔnda ha cɔu, mà va vanaa sandu-a delɔɔ coo, a co muli le?

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Yeremi 9:5

Dɛnnda vɔɔnndan tuŋ nda co hiyanndo tosaa ni, còòlan keiyo dimio má hiaw, a kɛɛ le ya Mɛlɛka sinaa pɛ!» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Esai 24:16

N tuɛinin vannda condon solio nɛɛ lɛŋnden le mɛɛlu-a aa: «Biiloo co le vana sandaa!» Kɛ ya mí dimi aa: «Kpòkóó ya! I laasian! I dɔwnun yɛɛvɛ! Mbɔ̀ ya i kɔndu dɛnɛ fɔ́! Kani vanaa yii ya dúmbú-a co dúmbúlan yiiyo, a toɲa, vanaa yiiyaa ladúmbúa co lan yiiyo kpeekpei!

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

Talelan 26:19

lende vana hui caanda, mò muungu mó dimi aa: «Mamɔɔlan ya i va ni»-o co ni.

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Tɔŋ lasálàá 5:19

Sálà co le ɲɛ pilaa mingio-o co kon ni, kani tɛɛmbuuo kpeekpei vana kon ndóò tɛɛmbuu a Mɛlɛka ni.»

O Kandɔɔ 26:7

Mɛɛ pilacieea Kerar a ɲuna ndu a dɛnɛ laa ndɔ-o o kɔɔ, mó mulul nda aa: «Yema nuu o co ni.» O cɛl le dimio maa laa ndɔ le Rebeka va le. Kani siòònde va ndu ni, yɔŋii vanaa kan ndáà dii ndu o laa ndɔ coo, bau Rebeka laa ndɔ ndóò naŋ taw.

Tɔŋ lasálàá 6:1

Mí Mɛlɛka soaa o Moise lo, mó dimul ndu aa:

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Esekiɛl 40:46

Cɛi muli hɔlla a ba luaŋ-ndo-o ndu ndu, le vanaa-solia-lasálàá co baalaa tosaa o fonda-loamaa-lasálàá coo-a o co ni. Nda co yɛ poaa Sadɔk-a ni, kani o polale Levii len coo nda hɛlin le sɔɔnguuo Mɛlɛka ikɛi le vaa vali ndɔɔ tosaa ni.