Tɔŋ lasálàá 6:13 - BII BILA

¹³ «Te Aarɔn nda poaa ndɔa sɔla pɛ pɔlaa, a bɛnda mà soli sálàá a ɲɛm vaan. Ɲɛ nda bɛnda mà cua le sálà kon-ndo co hoo ni: lepalaa-lepala kpeyanndo kiloo leyàá: idii kiloo ca a tálá icɔl ca a tálá.

Tɔŋ lasálàá 6:13 Referans Kwoze

Tɔŋ lasálàá 6:9

Mì Aarɔn nda poaa ndɔa de ɲɛ tɔ̀ lonin-ndo, mà de ndu nɛɛ diandaa pum, o bɛ́ɛ̀ Cɛi-Diandaa nin. Kɛ a va pɛ ndu toosiaa le dioo, a bɛnda mà vow lɛvɛnndo le.

Tɔŋ lasálàá 6:12

Mí Mɛlɛka soaa o Moise lo, mó dimul ndu aa:

Tɔŋ lasálàá 6:14

A bɛnda mà toŋ ndu a cuɛiyan o kpɛɛnɛi nin. Mà yimiyimi dɛɛ toaŋaa sálà cun kɛndɛ kon bungan, mà hun yɔngu ya Mɛlɛka ndu.

Esekiɛl 40:46

Cɛi muli hɔlla a ba luaŋ-ndo-o ndu ndu, le vanaa-solia-lasálàá co baalaa tosaa o fonda-loamaa-lasálàá coo-a o co ni. Nda co yɛ poaa Sadɔk-a ni, kani o polale Levii len coo nda hɛlin le sɔɔnguuo Mɛlɛka ikɛi le vaa vali ndɔɔ tosaa ni.

Fulaa 29:1

«Nuaa n bɛnda ni ma pɔla Aarɔn nda poaa ndɔa, haliko ma siŋnun vanaa-solia-lasálàá le ya. A bii pɛ naw tova téndóó, a saa kóndóa nɔ lenamta le-a nda ŋiɔn,

Fulaa 29:2

a cua vɛlɛ bulu toosian a lɛvɛn too, dɛɛ toaŋaa vɔɔcan a lɛvɛn too, o vɔɔcan a cuɛiyan-ndo, fùlúfúlù lɛvɛn vownun nin too, o nda vɔɔca o cuɛiyan nin-ndo a kpeyan funguɲa n'mallo.

Fulaa 29:40

A dii pɛ saa téndé tasoo idiiyo, a kɔndu kpeyanndo kiloo leyàá, o nda vɔɔca a cuɛima kɛndɛ-kɛndɛma olivean litilio pilɛ a tálá-o. O kon kɔɔli, a tala mɔiyan litilio pilɛ a tálá le sálà mamɔiyo le saa téndé oo saa téndé.

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Esai 31:9

Pow kpova nda kɔngan-ndo sɔndannin a siòònde, simlacia ndaa ɲiiyanin lɔ́ɔ́ nda canin lɛfɛ landaa hunɔɔ le cɔwvo-o. Lende Mɛlɛka nɔ yinnde ndɔlen Siɔn a tóndó bɛndu leyin ndɔɔ Yerusalɛm-ndo dimi ni.