Tɔŋ lasálàá 5:7 - BII BILA

⁷ «Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 5:7 Referans Kwoze

Tɔŋ lasálàá 12:8

Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

Tɔŋ lasálàá 14:31

o soli o pilɛ sálà co le hakio sɔlaa malɔɔ-o, o soli o pilɔɔ sálà loamaa a kpeyanndo latulu. O kon kɔɔli, o tosa vana kon faleŋii dindiannde coo Mɛlɛka o hɔl.

Luke 2:24

Ndáà kɔɛ vɛlɛ le sálàá solio mɛɛ o co o sɛvaa o tɔŋ Mɛlɛka-o nin yɛ aa: «Piinda nda ŋiɔn, te kon te kangboa tɛlɛa nda ŋiɔn.»

Tɔŋ lasálàá 16:5

Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 15:30

O kon, vana-solia-lasálàá soli sálà co le hakio sɔlaa malɔɔ-o a yowvo o pilɛ, o soli sálà loamaa a o pilɔɔ. Lende o bɛnda ni mo tosa vanalanɔ kon faleŋii dindiannde coo Mɛlɛka o hɔl le kooma fula ndu lekɔɔ-an.

Tɔŋ lasálàá 9:3

Ma soo o Israɛlla lo, ma dimul nda aa: ‹La bii cuin toovio le sálà co le hakio sɔlaa malɔɔ-o solio, naw téndé nɔ vɔsio pilɛ-o a saa téndé nɔ vɔsio pilɛ-o le sálà loamaa solio a nda. Cɔlua kan bɛnda mà nɔ lenamta le.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.

Matie 21:12

Mí Yeesu luɛi o Cɛi-Hala-o nin, mó toaw vanaa va ɲɔɔn pisio-a a vanaa va ɲɔɔn piondɔɔ-a kpow, mó ɲiinduu tabalila vanaa singaa n'volia a kpɛŋɛla vanaa va kangboa pisio-a.

Tɔŋ lasálàá 7:1

«Silaa co hoo le sálà bɛɛndiaa isɔɔ solio ni: sálà diandaa-diandaa o co ni.

Tɔŋ lasálàá 12:6

Te palɛi ndɔɛi dindiannde cuu pɛ le hɔ́ɔ́ piaandu, te kon te le hɔ́ɔ́ laandu o velu-o, komsa kon yoo vana-solia-lasálàá saa téndé nɔ vɔsio pilɛ-o le sálà loamaa solio, a kangboo pilɛ, a piindo pilɛ le sálà co le hakio sɔlaa malɔɔ-o solio o cɛi-kola-toandaa-labɔɔŋianndo sondoo.

Tɔŋ lasálàá 14:30

O kon vana-solia-lasálàá cua vɛlɛ piindo o pilɛ, te kon te kangboo o pilɛ, mɛɛ vana kon nɔ seo yɛ,

Kundalan 5:6

«Soo o Israɛlla lo, ma dimul nda aa: ‹Te vanndo, o va vanapɔnɔ o va vanalanɔ, o de pɛ ɲɛ pilaa a sondo yeelaa, mɛɛ o siŋnun vana vɔɔndo Mɛlɛka o hɔl, a bɛnda mà bii ndu maa vana tɛɛmbua tɔŋ.

Kundalan 6:10

O paale ŋɔmaandɔlen, o yoo vana-solia-lasálàá piinda nda ŋiɔn, te kon te kangboa nda ŋiɔn o cɛi-kola-toandaa-labɔɔŋianndo sondoo.

Kundalan 6:11

O kon, vana-solia-lasálàá soli o pilɛ sálà co le hakio sɔlaa malɔɔ-o, o soli o pilɔɔ sálà loamaa, o tosa faleŋii dindiannde ndu coo le sɔɔnguu o sɔɔnguu vana vílɛ́iyo ikɛi-yo. Paale len, o soli vɛlɛ bolle ndɔlen sálà sɛnɛi,

Tɔŋ lasálàá 27:8

Te vanndo va pɛ vana ikɔɔ mò nɔla le vɔngu kelun-ndo sɔlaa le, a bɛnda ma kɔɛ a ndu vana-solia-lasálàá o hɔl, o kon mì vana-solia-lasálàá kelu vɔngoo mɛɛ sɔla vana cua kon ciɛ́ɔn-ndo co yɛ.