Tɔŋ lasálàá 5:2 - BII BILA

² Te vanndo pilan yɛ pɛ ɲɛ nɔɔlɛiyo hali o sina lepɛŋndo nin, maa visi nɔɔlɛi vílɛ́iyo, te kon te cɔlu cieenin nɔɔlɛi vílɛ́iyo, te kon te mò pilan visin visi nɔɔlɛi vílɛ́iyo pum o visia pɔm-pɔmbɔa kela lɛŋ-nda tɛɛn, mɛɛ o siŋnun vana nɔɔlɛiyo a vana tɛɛmbua tɔŋndo.

Tɔŋ lasálàá 5:2 Referans Kwoze

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Tɔŋ miingua 14:8

Pewvo ndu, o nɔ buuku piasaa, kɛ o kpukula le. La cɔ ndu maa o nɔɔlɛiyo o co ni. La dia visin visia kan te, hali pilanndo la pilan nda a vílɛ́iya le.

Aasee 2:13

Mí Hasee ɲuna nda vɛlɛ aa: «Te vanndo siŋnun pɛ vana nɔɔlɛiyo le vanaciee vílɛ́i o pilan-ndo, mò kɔ pilan ɲɛdiaa pum, vɛ̀ɛ̀ ɲɛdiaa kon siŋnun pá ɲɛ nɔɔlɛiyo lelan?» Mí vanaa-solia-lasálàá muli aa: «Oi, mò siŋnun o nɔɔlɛiyo.»

Tɔŋ lasálàá 11:11

Mɛɛ nda co ɲaa nɔɔlɛi bɛndu-bɛndu le niaa yɛ, la bɛnda mì la de visin ndan te. La pilan nda a vílɛ́iya le few.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Luke 11:44

Dɛnɛ palaa co le niaa! Kani maa sɛila vana bii bila le lan niaa co ni, la vana kei coo a sina le lan pɛɛn.»

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

Tɔŋ lasálàá 7:21

Te vanndo pilan vɛlɛ pɛ ɲɛ co o nɔɔlɛiyo-o, o va vanaciee nɔɔlɛi o va visi nɔɔlɛi, te kon te dɛnɛ nɔɔlɛi súú-súù, mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.»

Tɔŋ lasálàá 5:4

Te vanndo yiyan fɔlɔn ɲɛkɛndɛi le, mo teŋnun le dɛnɛ kɛndɔɔ tosaa, te kon te le dɛnɛ vɔɔndo, te o dow sɔɛi ken taasi mò tosa sɔɛi o teŋnun ken coo-e le, telen o sinanin lende-o, o siŋnun vana tɛɛmbua tɔŋndo.

Tɔŋ lasálàá 4:13

Te o va pɛ maa sɛ́lɛ́ cuavaa Israɛlla kpow tosa hakio o sina lepɛŋndo nin ni, mà tɛɛmbuu tɔŋndo pum a ɲɛ ya Mɛlɛka kuuna tosaa-o, mà siŋnun vanaa tɛɛmbua tɔŋnda lende, mì sɔɛi ken vennun nda tɛɛn,

Tɔŋ lasálàá 5:3

Hali mì vanndo sìná le, te o pilan pɛ vanaciee co o dɛnɛ nɔɔlɛiyo nin-ndo, dɛnɛ súú-súù nɔla mo nɔɔliaa vanacieo, vana kon siŋnun vana tɛɛmbua tɔŋndo lɔ́ɔ́ o sinanin tɛɛmbuu ndɔɔ-o.

Tɔŋ lasálàá 11:8

La bɛnda mì la de visin visia kan te few, nduyɛ la pilan nda vɛlɛ a vílɛ́iya le. La cɔ nda maa visia nɔɔlɛiya nda co ni.

Kundalan 19:22

Ɲɛ-ɲɛ vana co o nɔɔlɛiyo-o pilan pɛ, ɲɛ kon bɛɛ siŋnun o nɔɔlɛiyo. Vana-vana pilan pɛ ɲɛ kon, vana kon lo o nɔɔlɛiyo háá icɔllo.»