Tɔŋ lasálàá 5:19 - BII BILA

¹⁹ Sálà co le ɲɛ pilaa mingio-o co kon ni, kani tɛɛmbuuo kpeekpei vana kon ndóò tɛɛmbuu a Mɛlɛka ni.»

Tɔŋ lasálàá 5:19 Referans Kwoze

Malasi 3:8

Vɛ̀ɛ̀ vanaciee yoomaa nɔla pá mò hui Hala? Kani la co ya huiyo mí la va ɲunaa aa: ‹Vɛɛ nɛ naa n co yɛ nɔm huiyo?› O o-tɔ́ndɔlan nin a o ɲɛm-kéan nin. La co yɔngu mɛɛ o bɛnda yɛ le.

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Ɛsdras 10:2

O kon mí Sekania, po Yehiɛl fula o polale Elam-nden nin-ndo cua sɔɛi, mó dimul Ɛsdras aa: «N lo o lediom coo a Hala naa le, kani n yil laandua o vanlaandua mangalaa isɔaa vanaa co o lɛŋnden nden nin-nda tɛɛn. Kɛ hali n tosa bɛɛ lende, kɔlkɛsiaa co vɔ le Israɛlla o dɛnɛ kon nin.

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Tɔŋ lasálàá 5:18

O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.

Tɔŋ lasálàá 6:1

Mí Mɛlɛka soaa o Moise lo, mó dimul ndu aa:

Yosue 22:15

Lɔ́ɔ́ nda tiiya o tàndá Kalaad-o nin-ndo, má tɛɛngul yungula fula o polale Rubɛn-nden, polale Kad len a o polale tálále Manase len nin-ndan

Esekiɛl 40:39

O tongo-luɛyaa tase dio bɛndoo nin, bandólan la va latiɔn, o bandóla lan coo ndáà kialu cɔlua bololan le sálàlan solio nisálà loamaa, sálàá le hakio a le sálà bɛɛndiaa isɔɔ.