Tɔŋ lasálàá 5:18 - BII BILA

¹⁸ O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.

Tɔŋ lasálàá 5:18 Referans Kwoze

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Tɔŋ lasálàá 1:4

O handu baa cɔlu kon o lebol haliko mo cɛlnun, mì Mɛlɛka vɔɔsu yɔŋnda vɔɔnnda vana kon.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Tɔŋ lasálàá 5:19

Sálà co le ɲɛ pilaa mingio-o co kon ni, kani tɛɛmbuuo kpeekpei vana kon ndóò tɛɛmbuu a Mɛlɛka ni.»

Tɔŋ lasálàá 14:12

O kon, vana-solia-lasálàá cua saa kóndó téndóó o pilɛ, o soli ndu sálà bɛɛndiaa isɔɔ a cuɛima litili táláma o yɔngu-an, o tosa faleŋii vana heelu ɲɔɔ coo le Mɛlɛka ndu cɔmndo-e.

Kundalan 15:24

te o sina lepɛŋndo nin biondɔn kon tosan ni, mì vannda bii ndi bila le, Israɛlla kpow a bɛnda mà yɔngu naw tovaa o pilɛ le sálà loamaa solio, sálà ya tuɛi cun mì ɲɔɔ hɛnan ya-o co kon ni, a cuin toovio pilɛ le sálà co le hakio sɔlaa malɔɔ-o solio.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.