Tɔŋ lasálàá 5:16 - BII BILA

¹⁶ O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.

Tɔŋ lasálàá 5:16 Referans Kwoze

Kundalan 5:7

Lelan, o bɛnda mò sɔlɔlan dɛnɛ vɔɔn o tosa-o, mò mingul vana o de kon ɲɛ ndɔɔ a sondo yeelaa-o ɲɛ kon kpow, mò tuu vɔngu ɲɛ kon, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo le ndu mingullo.

Tɔŋ lasálàá 22:14

Te vana celen sìná le mo de ɲɛm sálà diandan mun, o bɛnda mò sala ɲɛ o de-o vana-solia-lasálàá o ba, mò cɔɔlu vɛlɛ ipilɛ handɔɔ o ŋuɛɛnu oo ŋuɛɛnu coo.

Tɔŋ lasálàá 27:31

Te vanndo yeema pɛ le ɲɛ pum baŋaa o o-tɔ́ndɔ ndɔɔ nin, o bɛnda mò sala vɔngu kpeekpeiyo, mò handu vɛlɛ ipilɛ o ŋuɛɛnu oo ŋuɛɛnu coo.

Tɔŋ lasálàá 27:27

Te cɔlu dindu loo kom cɔlu piaandu tasoo ni, vana cɔloo nɔla mò baŋa ndu, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo o vɔngu vana-solia-lasálàá kelu-o coo. Te o baŋa ndu le, vana-solia-lasálàá nɔla mò pisi cɔlu kon vana celen o ba mɛɛ o kialunin vɔngoo yɛ.

Tɔŋ lasálàá 27:15

Te vana cɛiyo yeema pɛ le cɛi kon baŋaa, o bɛnda mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu kon-ndo coo, o kon cɛiyo muungu cɛi ndɔ.

Tɔŋ lasálàá 27:13

Te vana yeema nin pɛ le ndu baŋaa, vana kon cɔɔlu ipilɛ o ŋuɛɛnu oo ŋuɛɛnu coo o vɔngu kelun-ndo coo.

Tɔŋ lasálàá 5:10

O cii pɛ kon, o soli sálà loamaa a yowvo pilɔɔ, o tosa a ndu mɛɛ faleŋun sálà loamaa n co yɛ. Lende vana-solia-lasálàá bɛnda ni mo tosa vana tɛɛmbuu tɔŋndo-o faleŋii baŋannde coo le haki o tosa-o. O kon Mɛlɛka mal ndu haki.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Condii lisai 69:4

I co sangaa yondaa le malaa sɔlaa, diomndo kandan ya kpiŋ, i co sangaa hɔlla keeliaa le Hala nuu nuwviaa.

Tɔŋ lasálàá 5:13

Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Fulaa 22:1

«Taa bii pɛ vuiyo o cɛi pilaa bulio le luɛyɔɔ vuilen, mà lɔɔ ndu mò vi, vana lɔɔ ndu mó vu-o bɛnda mò sɔla isɔɔ le.

Tɔŋ lasálàá 7:2

À bɛnda mà kelu cɔlu yɔngun le sálà bɛɛndiaa isɔɔ solio-o bololan nɛɛ nda kialu cɔlua sálà loamaa bololan-nda, mà balu kooma ndɔan taaliaa o fonda-loamaa-lasálàá pindo.

Kundalan 5:8

Te o va pɛ maa vana o dil kon ɲɔɔ-o vi nin, kɛ o mɛi vana le kɛ́ ndɔɔ cuaa le, mɛɛ ɲɛ kon kpow bɛnda mò va le Mɛlɛka, kon co dimio ni maa le vana-solia-lasálàá, mò handu saa kóndóó lecoo le sálà co le hakio sɔlaa malɔɔ-o solio. A saa kóndó kon vana-solia-lasálàá tosanin faleŋii baŋannde ni haliko mi vana tɛɛmbuu kon tɔŋndo-o sɔla hakio malɔɔ.

1Samiɛl 6:3

Má muli aa: «Te la yeema pɛ le kesu kpema Hala Israɛlla ho mingio, la míngì ndu fondo lende le. Mɛɛ mì la solul ndu fɔlɔn sálà bɛɛndiaa isɔɔ. O kon la siangunin mì la sina kɔlɔ Hala va niaa sangala bɛndulan ndan tuisio coo-o.»

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.