Biblia Todo Logo
Bib sou entènèt

- Piblisite -




Tɔŋ lasálàá 5:15 - BII BILA

15 «Te vanndo tosa pɛ haki kàlà-kálàá o sandii lepɛŋnde nin, mò kɛɛ le ɲɛm co le ya Mɛlɛka-on yɔngoo, o bɛnda mò yɔngu saa kóndó nɔ lenamta loo le haki o cua a ya Mɛlɛka-o, mà kelu ndu iyama o volin latámán nin mɛɛ volin latámán có dionnɔnndo o Cɛi-Diandaa nin-ndon co yɛ. Cɔlu kon vanin le sálà ɲɛ pilaa salaa ni.

Gade chapit la Kopi




Tɔŋ lasálàá 5:15
33 Referans Kwoze  

O vanaa sɛvannin-nda nin, vana-vana bɛnda mò yɔngu tààngáà mɛɛ volin latámán co dionnɔnndo o Cɛi-Diandaa nin-ndon co yɛ. Le ya Mɛlɛka mulu kon biinunnin ni.


«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:


mí nda kpow cua ciɛ́ɔn, má mɛnan le laandaa ndaa kan malɔɔ a le saa kóndóó sálàá solio haliko mi Hala mal nda haki.


Vanpiaandua o yungula vanaa-solia-lasálàá nin kínɛí bɛnda ni mà de visin mun. À bɛnda mà de mun nɛɛ diandaa pum, kani ɲɛdiaa diandaa-diandaa co kon ni.


«Silaa co hoo le sálà bɛɛndiaa isɔɔ solio ni: sálà diandaa-diandaa o co ni.


Mì yinnden le va biyɔɔ lɔ́ɔ́-lɔ́ɔ̀ o fonda-loamaa-lasálàá coo, le bɛnda mì le ɲum te.›»


Kɛ la bɛnda mì la cua cɔlua niaa tuu le sálàá solio-a, a co cɔlua niaa kpeekpeiya-a, a cɔlua niaa baa yoolen o Mɛlɛka lo le ndu yɔngoo-a, mì la hin a nda o fonda Mɛlɛka hɛlinin-ndo.


Te o va pɛ maa vana o dil kon ɲɔɔ-o vi nin, kɛ o mɛi vana le kɛ́ ndɔɔ cuaa le, mɛɛ ɲɛ kon kpow bɛnda mò va le Mɛlɛka, kon co dimio ni maa le vana-solia-lasálàá, mò handu saa kóndóó lecoo le sálà co le hakio sɔlaa malɔɔ-o solio. A saa kóndó kon vana-solia-lasálàá tosanin faleŋii baŋannde ni haliko mi vana tɛɛmbuu kon tɔŋndo-o sɔla hakio malɔɔ.


O bɛnda mò yoo vana-solia-lasálàá cɔlu fula o cɔlua pɔmbɔa nin-ndo, saa kóndó nɔ lenamta loo pɛɛn. O kɔɛ pɛ a ndu, à kelu ndu iyama maa cɔlu co le sálà mingiaa ɲɛ pilaa-o, mì vana-solia-lasálàá tosa faleŋii baŋannde vana kon coo le haki o tosa o sina lepɛŋndo nin-ndo. O kon, Mɛlɛka mal ndu haki.


O kon, vana tosa kon hakio-o sala ɲɛm ndóò bɛnda le ya Mɛlɛka yɔngoo-on kpow. Kɛ o va pɛ mun salaa, o handu ipilɛ o ŋuɛɛnu oo ŋuɛɛnu coo, o hin a ɲɛm mun o vana-solia-lasálàá lo. O hin pɛ a mun, vana-solia-lasálàá tosa faleŋii baŋannde ndu coo a saa kóndó kon le haki o tosa-o. O kon Mɛlɛka mal ndu haki.


Mí Mɛlɛka soaa o Moise lo, mó dimul ndu aa:


Mí Mɛlɛka soaa o Moise lo, mó dimul ndu aa:


te o sina lepɛŋndo nin biondɔn kon tosan ni, mì vannda bii ndi bila le, Israɛlla kpow a bɛnda mà yɔngu naw tovaa o pilɛ le sálà loamaa solio, sálà ya tuɛi cun mì ɲɔɔ hɛnan ya-o co kon ni, a cuin toovio pilɛ le sálà co le hakio sɔlaa malɔɔ-o solio.


Má muli aa: «Te la yeema pɛ le kesu kpema Hala Israɛlla ho mingio, la míngì ndu fondo lende le. Mɛɛ mì la solul ndu fɔlɔn sálà bɛɛndiaa isɔɔ. O kon la siangunin mì la sina kɔlɔ Hala va niaa sangala bɛndulan ndan tuisio coo-o.»


Hɔlte ve bɛɛ vanaa ndáà yɔngu volion le vanaa baalaa salaa-a kɔɔli le, kani a kɔl sandaa nda va dɛnɛ kon tosaa ni.


Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.


Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.


O kon, vana-solia-lasálàá cua saa kóndó téndóó o pilɛ, o soli ndu sálà bɛɛndiaa isɔɔ a cuɛima litili táláma o yɔngu-an, o tosa faleŋii vana heelu ɲɔɔ coo le Mɛlɛka ndu cɔmndo-e.


Vɔngula lan la co lan ni: Le vanaciee yoomaa nɔ vɔsilan kandɔɔ bidiin kɔlan tiyaa háá vɔsilan belaŋɔmum-ndo, volin latámán beleŋuɛɛnu, mɛɛ volin co dionnɔndo o Cɛi-Diandaa nin-ndon co yɛ.


O tongo-luɛyaa tase dio bɛndoo nin, bandólan la va latiɔn, o bandóla lan coo ndáà kialu cɔlua bololan le sálàlan solio nisálà loamaa, sálàá le hakio a le sálà bɛɛndiaa isɔɔ.


Swiv nou:

Piblisite


Piblisite