Biblia Todo Logo
Bib sou entènèt

- Piblisite -




Tɔŋ lasálàá 5:12 - BII BILA

12 O cua ndu pɛ, o kɔɛ a ndu o vana-solia-lasálàá lo, mì vana-solia-lasálàá ɲɔla kpeyan kon baa ca, ɲɛ loonanndo co kon ni. Mò lom ndu kpúlúká o yinnden nin o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Sálàá le hakio sɔlaa malɔɔ co kon ni.

Gade chapit la Kopi




Tɔŋ lasálàá 5:12
15 Referans Kwoze  

O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»


O kon, vana-solia-lasálàá faŋa ɲɛ co le loonɔnndo a Mɛlɛka o kɔɔ-o, o lom ndu o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.


Mò yoo vanaa-solia-lasálàá, poaa Aarɔn-nda ɲɛm mun. Mì vana-solia-lasálàá pilɛ ɲɔla kpeyan co kon o muulianndo a cuɛiyan-ndo, mò cua vɛlɛ ansan kpow, mò lom ndu latulu o fonda-loamaa-lasálàá coo le loonɔnndo a ya Mɛlɛka o kɔɔ. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.


Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.


Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.


Mò kɔndu kpeyanndo baa ca, ɲɛ loonanndo co kon ni, mò lom ndu o fonda-loamaa-lasálàá coo. O cii pɛ kon, o koesi vanalanɔ kon mɛmma man.


O poaa Aarɔn-nda tɛɛn, vana sɔlanin pɔlaa le siŋnɔnndo bolle vanaa-solia-lasálàá maa Aarɔn fuɲa nda-o, ndu bɛnda le sálà kon solio ni. Silaa co hoo le niaa le fɛɛn a fɛɛn ni. Sálà ɲɛm vaa kon bɛnda mò ŋɔɛ kpow le ya Mɛlɛka.


Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.


kɔlkelen miunndon a cuɛima holnun mun mì ma kumbu kpengun miunndon-ndan a bungɛi hiow naŋɔɔ o yemnde nin-nde, i vana faŋa a kɔlkelon latulu-e pɛɛn.


O kon, vana-solia-lasálàá lom ɲɛ co le loonɔnndo a Mɛlɛka o kɔɔ-o: kpeyanndo o tiŋ, cuɛiyan matiŋ a lasikɔlɔ kon kpow. Sálà nda loam o yin le ya Mɛlɛka-o co kon ni.»


O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»


O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.


à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.


Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.


Lende vana-solia-lasálàá bɛnda ni mo tosa faleŋii baŋannde vana kon coo le haki o tosa-o. O kon Mɛlɛka mal ndu haki. Ɲɛ tɔ̀ lonin-ndo vànin le vana-solia-lasálàá mɛɛ o tosan a sálàla ɲɛm-vaalan yɛ.»


Swiv nou:

Piblisite


Piblisite