Tɔŋ lasálàá 4:34 - BII BILA

³⁴ O kon vana-solia-lasálàá vow suei o kooma man nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda pɛɛn, o cuiŋi kooma tɔ̀an o fonda-loamaa-lasálàá bɛngu.

Tɔŋ lasálàá 4:34 Referans Kwoze

Tɔŋ lasálàá 4:30

A dii ndu pɛ, vana-solia-lasálàá vow suei o kooma ndɔan nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda pɛɛn. O kon kɔɔli, o cuiŋi kooma tɔ̀an o fonda-loamaa-lasálàá bɛngu.

Tɔŋ lasálàá 4:25

O kon kɔɔli, vana-solia-lasálàá vow suei o kooma cuin kon nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda. O kon o cuiŋi kooma tɔ̀an o fonda-loamaa-lasálà kon bɛngu.

Tɔŋ lasálàá 4:7

Mò suu vɛlɛ kooma man o kpɛ̀ɛ́n fonda nda loam ansan coo-on coo Mɛlɛka o hɔl o cɛi-kola-toandaa-labɔɔŋianndo nin. O cii pɛ, o kɔ cuiŋi matɔ̀an o fonda nda sòli sálàla loamaalan coo-o bɛngu, o co o cɛi-kola-toandaa-labɔɔŋianndo sondoo-o pɛɛn.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Rɔmnda 8:1

Yaala co lɛ le vanaa co o Yeesu Krista nin-nda le.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Esai 42:21

Mɛlɛka ndóò yeema le tɔŋ bɛndu kɛndɛ-kɛndɔɔ yondaa, le dɛnɛ kɛndɛ Israɛlla.

Tɔŋ lasálàá 4:18

O kon, o suu vɛlɛ kooma man o kpɛ̀ɛ́n fonda-loamaa-lasálà co Mɛlɛka o hɔl o cɛi-kola-toandaa diandaa nin-ndo. O cuiŋi kooma tɔ̀an kpow o fonda-loamaa-lasálàá bɛngu, nɛɛ nda sòli sálàla loamaalan o cɛi-kola-toandaa-labɔɔŋianndo sondoo-a pɛɛn.