Tɔŋ lasálàá 4:32 - BII BILA

³² Te saa laandoo vanndo yɔngu le sálà co le hakio sɔlaa malɔɔ-o ni, o bɛnda mò yɔngu saa laandu nɔ lenamta loo,

Tɔŋ lasálàá 4:32 Referans Kwoze

Tɔŋ lasálàá 4:28

Te o sina dɔ́ɔ́ pɛ maa o tosa hakio, o bɛnda mò yɔngu cuin laandu nɔ lenamta loo le sálàá solio le haki o tosa-o.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Piɛr 2:22

Ndu tosa haki loo, ndu sɔɛi fula o sondo le vana hui loo,

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Nsaŋ 1:36

mó ca Yeesu hiovɔɔ, mó dimi aa: «Má cè Saa téndé Hala-o!»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Esai 53:7

Má saangiaa ndu, kɛ mó tuisin tootoo, o kumbi sondoo mo soo le, mó yɔŋnun maa saa téndé nda co yɔɔ o fonda diyaa-o, maa saa laandu bobonɔɔ vanaa co ndu yiinde kilio-a o hɔl Kɛ bako bɛɛ o suu le.

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

Fulaa 12:3

La kɔ dimul Israɛlla maa te paangei he tiiya pɛ palɛi tɔ́, yungu oo yungu bii saa téndóó, te kon te cuin téndóó o pilɛ, cɛi oo cɛi bii vɛlɛ saa téndóó, te kon te cuin téndóó o pilɛ.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.