Tɔŋ lasálàá 4:31 - BII BILA

³¹ O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 4:31 Referans Kwoze

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Tɔŋ lasálàá 4:35

O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Hebreea 10:14

O yɔngɔn ndɔ kon nin, mí vanaa o dindi a hakio-a peelun le fɛɛn a fɛɛn.

Hebreea 10:12

Kɛ Krista ndu sálàá ndu pilɛ kpé o soli le hakilan ni, mó cal Hala o ba kɛndɔɔ coo le fɛɛn a fɛɛn.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Esai 42:21

Mɛlɛka ndóò yeema le tɔŋ bɛndu kɛndɛ-kɛndɔɔ yondaa, le dɛnɛ kɛndɛ Israɛlla.

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

Ɛsdras 6:10

La yɔngu nda mun haliko ma solul Hala co o halataala-o sálàla cuɛima cun kɛndɛlan, mà piɛi Hala le yoomu masaa a le yoomu poaa ndɔa.

Tɔŋ lasálàá 8:21

Mó tɔaa pulon a bɛngulan o mɛnndan nin, mó loam saa kóndó kon kpow o fonda-loamaa-lasálàá coo. Ndu yɔŋnun sálà loamaa cun kɛndɛ ŋɔɛ o yin le ya Mɛlɛka-o ni. Mí Moise tosa falenndon mɛɛ Mɛlɛka cɔm ndu yɛ kpafii.

Tɔŋ lasálàá 4:19

Mò faaŋiaa cuɛima naw tova kon kpow, mò lom man kpúlúká o fonda-loamaa-lasálàá coo.

Tɔŋ lasálàá 1:17

O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»

Tɔŋ lasálàá 2:2

Mò yoo vanaa-solia-lasálàá, poaa Aarɔn-nda ɲɛm mun. Mì vana-solia-lasálàá pilɛ ɲɔla kpeyan co kon o muulianndo a cuɛiyan-ndo, mò cua vɛlɛ ansan kpow, mò lom ndu latulu o fonda-loamaa-lasálàá coo le loonɔnndo a ya Mɛlɛka o kɔɔ. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 2:9

O kon, vana-solia-lasálàá faŋa ɲɛ co le loonɔnndo a Mɛlɛka o kɔɔ-o, o lom ndu o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Tɔŋ lasálàá 5:10

O cii pɛ kon, o soli sálà loamaa a yowvo pilɔɔ, o tosa a ndu mɛɛ faleŋun sálà loamaa n co yɛ. Lende vana-solia-lasálàá bɛnda ni mo tosa vana tɛɛmbuu tɔŋndo-o faleŋii baŋannde coo le haki o tosa-o. O kon Mɛlɛka mal ndu haki.

Tɔŋ lasálàá 14:18

Vana-solia-lasálàá cii pɛ kon kpede tosa, o tala cuɛima tɔ̀ma lonin o ba ndɔ kɔllo nin-ndan vana kon o lebol. O kon, o tosal ndu faleŋii dindiannde Mɛlɛka o hɔl.

Tɔŋ lasálàá 15:15

O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.

Tɔŋ lasálàá 19:22

O hin pɛ a ndu, vana-solia-lasálàá tosa ndu langbanɔ kon faleŋii baŋannde coo Mɛlɛka o hɔl. O kon, o sɔla hakio malɔɔ le dɛnɛ vɔɔn o tosa kon-ndo.

Kundalan 15:25

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.