Tɔŋ lasálàá 4:27 - BII BILA

²⁷ ‹Te vana pilɛ o vanaa tɔ̀a tɛɛn tosa hakio o sina lepɛŋndo nin ni, mò tɛɛmbuu tɔŋndo pum a dɛnɛ Mɛlɛka kuuna tosaa-o, mɛɛ o siŋnun vana tɛɛmbua tɔŋndo.

Tɔŋ lasálàá 4:27 Referans Kwoze

Tɔŋ lasálàá 4:2

«Soo o Israɛlla lo ma dimul nda aa: ‹Te vanndo tosa pɛ hakio o sina lepɛŋndo nin, mò tɛɛmbuu tɔŋnda Mɛlɛka lan o pilɛ a dɛnɛ ndu Mɛlɛka kuuna-o pum tosaa, nuaa vana kon bɛnda le tosaa ni:

Kundalan 15:27

Te vanndo ndu pilɛ bendun o sina lepɛŋndo nin ni, o bɛnda mò yɔngu cuin téndé nɔ vɔsio pilɛ-o le sálà co le hakio sɔlaa malɔɔ-o.

Tɔŋ lasálàá 4:13

Te o va pɛ maa sɛ́lɛ́ cuavaa Israɛlla kpow tosa hakio o sina lepɛŋndo nin ni, mà tɛɛmbuu tɔŋndo pum a ɲɛ ya Mɛlɛka kuuna tosaa-o, mà siŋnun vanaa tɛɛmbua tɔŋnda lende, mì sɔɛi ken vennun nda tɛɛn,

Kundalan 15:29

Tɔŋ pilɛ kon vanin le Israɛlaa pilacieea a le mialaa vanin icali nda tɛɛn-nda ni.

Kundalan 5:6

«Soo o Israɛlla lo, ma dimul nda aa: ‹Te vanndo, o va vanapɔnɔ o va vanalanɔ, o de pɛ ɲɛ pilaa a sondo yeelaa, mɛɛ o siŋnun vana vɔɔndo Mɛlɛka o hɔl, a bɛnda mà bii ndu maa vana tɛɛmbua tɔŋ.

Kundalan 15:16

Tɔŋ pilɔɔ a sila pilɔɔ co le niaa pila a le mialaa co icali niaa o bɛngu coo-a ni.›»

Fulaa 12:49

Tɔŋndo ho co le cuavaa pilacieea Israɛl, o co vɛlɛ le mialaa hin calle niaa o bɛngu coo o lɛŋnde niaalen nin-nda.»

Tɔŋ lasálàá 4:22

‹Te simlacinɔɔ pum tosa hakio o sina lepɛŋndo nin ni, mò tɛɛmbuu tɔŋndo pum o dɛnɛ Mɛlɛka Hala ndɔɔ kuuna-o pum tosaa nin, mɛɛ o siŋnun vana tɛɛmbua tɔŋndo.

Tɔŋ lasálàá 9:15

O kon kɔɔli, mó soli sálàla vannda hin-ndan. Mó bii cuin toovi vanaa kan yɔngu le sálà va le hakio sɔlaa malɔɔ-o, mó kialu ndu bololan, mó soli ndu sálà le hakila ndalan malnɔnndo, mɛɛ o tosa a cɔlu tase yɔngun-ndo yɛ.

Esekiɛl 45:20

Lende koni n bɛnda le tosaa o paale ŋɔmmɛwndɔle paangii ken coo ni, le vana tosa hakio o sina lepɛŋndo nin, te kon te o ve dɛnɛ ndɔ loo. Lende niaa tosanin faleŋii dindiannde o Cɛi-Hala-o coo ni.

Tɔŋ lasálàá 5:17

Hali mì vanndo sìná le, te o tosa pɛ hakio, mò tosa dɛnɛ tɔŋnda Mɛlɛka lan la kuuna-o, o siŋnun vana tɛɛmbua tɔŋndo hali mò sina telen o tosa dɛnɛ kon-ndo le. Le hee, sanga haki ndɔɔ vanin ndu pila o lebol.

Kundalan 15:22

«Te o va pɛ maa o sina lepɛŋndo nin, la bii tɔŋnda ya yɔngu Moise lan o pum te,

Condii lisai 19:13

Nɛ̀ɛ́ sina yɛ pɔwla ndɔla ndu pila lan? Mɛlɛka, tuinun ya iɲíí le biondɔnnda ya co tosaa o sina lepɛŋndo nin-ndan.

Esekiɛl 45:17

Simlacinɔ kon vanin cɔlua co le sálàla loamaalan-nda, ɲɛm co le sálàla ɲɛm-vaalan a le sálàla mamɔilan-ndon yɔngoo o kafolan coo ni, o kafola paangun sɛnɛilan coo, o kafola palɛi pɛngiaalan coo a o cuungiannda bɛndula cuavaa Israɛlla kpede coo. Ndu solinin sálàá le hakio, sálà kpeyanndo, sálà loamaa a sálàla kɔlɲululan le baŋan cuavaa Israɛlla ni.»