Tɔŋ lasálàá 4:25 - BII BILA

²⁵ O kon kɔɔli, vana-solia-lasálàá vow suei o kooma cuin kon nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda. O kon o cuiŋi kooma tɔ̀an o fonda-loamaa-lasálà kon bɛngu.

Tɔŋ lasálàá 4:25 Referans Kwoze

Tɔŋ lasálàá 4:34

O kon vana-solia-lasálàá vow suei o kooma man nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda pɛɛn, o cuiŋi kooma tɔ̀an o fonda-loamaa-lasálàá bɛngu.

Tɔŋ lasálàá 4:30

A dii ndu pɛ, vana-solia-lasálàá vow suei o kooma ndɔan nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda pɛɛn. O kon kɔɔli, o cuiŋi kooma tɔ̀an o fonda-loamaa-lasálàá bɛngu.

Tɔŋ lasálàá 4:18

O kon, o suu vɛlɛ kooma man o kpɛ̀ɛ́n fonda-loamaa-lasálà co Mɛlɛka o hɔl o cɛi-kola-toandaa diandaa nin-ndo. O cuiŋi kooma tɔ̀an kpow o fonda-loamaa-lasálàá bɛngu, nɛɛ nda sòli sálàla loamaalan o cɛi-kola-toandaa-labɔɔŋianndo sondoo-a pɛɛn.

Tɔŋ lasálàá 4:7

Mò suu vɛlɛ kooma man o kpɛ̀ɛ́n fonda nda loam ansan coo-on coo Mɛlɛka o hɔl o cɛi-kola-toandaa-labɔɔŋianndo nin. O cii pɛ, o kɔ cuiŋi matɔ̀an o fonda nda sòli sálàla loamaalan coo-o bɛngu, o co o cɛi-kola-toandaa-labɔɔŋianndo sondoo-o pɛɛn.

Tɔŋ lasálàá 9:9

Mí poaa ndɔa hun a kooma naw téndé kon o ndu lo, mó yin suei lenin, mó suu man o kpɛ̀ɛ́n fonda-loamaa-lasálàá, mó cuuŋuu kooma tɔ̀an kpow o fonda-loamaa-lasálà kon bɛngu.

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Esai 40:21

Vɛ̀ɛ̀ la sina a ken o kɔɔ le? La tui-yɔ a ndi o kɔɔ le? Mò va maa a dimul niaa sɔɛi ken kabi o kandɔɔ tasoo le? La sina masinaa a mɛɛ lɛŋnden le kilan tumndo yɛ o kɔɔ le?

Tɔŋ lasálàá 16:18

o fula o cɛi-kola-toandaa-labɔɔŋianndo nin, o kɔɛ o fonda-loamaa-lasálà co o cɛi-kola-toandaa-labɔɔŋian kon laci-o ikɛi. O tiiya pɛ, o tosa faleŋii dindiannde o fonda-loamaa-lasálà kon coo. O kon, o kɔndu kooma naw tovaa ɲɛ-pɔmbɔ a kooma cuin toovio ɲɛ-pɔmbɔ, o suu man o kpɛ̀ɛ́n fonda-loamaa-lasálà kon.

Tɔŋ lasálàá 8:15

Mí Moise kialu ndu bololan, mó cua kooma ndɔan, mó vow suei lenin, mó suu o kpɛ̀ɛ́n fonda-loamaa-lasálàá, mó balu man suiyo pindo, mó cuiŋi matɔ̀an o fonda-loamaa-lasálà kon bɛngu, mó dindi ndu le baala Mɛlɛka-o, le faleŋun sálà co le hakio sɔlaa malɔɔ-on tosaa lecoo.

Tɔŋ lasálàá 8:10

O kon kɔɔli, mí Moise cua cuɛima va le pɔlaa-an, mó pɔla Calta Mɛlɛka lan a ɲɛm va lenin-ndon kpow, mó dindi mun,

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

Tɔŋ lasálàá 4:24

mò handu baa cuin kon o lebol, mò kelu ndu bololan Mɛlɛka o hɔl, o fonda nda kialu cɔlua co le sálà loamaa-a bololan-ndo. Sálà co le hakio sɔlaa malɔɔ-o co kon ni.

Fulaa 29:12

Ma haw kooma naw tova kon, ma suu man o kpɛ̀ɛ́n fonda-loamaa-lasálàá a suei nɔmnde. Ma cuuŋuu kooma tɔ̀an o fonda-loamaa-lasálà kon bɛngu.

Tɔŋ lasálàá 5:9

mò balu kooma ndɔan taaliaa o fonda-loamaa-lasálàá pindo, mò cuiŋi matɔ̀an lebɛngu. Sálà co le hakio sɔlaa malɔɔ-o co kon ni.

Tɔŋ lasálàá 17:11

Kani o koovan nin yoomu ɲaa yoomaa co ni. I yɔngu niaa man le kpekoo solinndo a man o fonda-loamaa-lasálàá coo, haliko mi ma baŋa yoomu niaa. Le tùú yoomoo co o koovan nin-ndo, lelan ma báŋà yoomoo ni.